ಜಿಲ್ಲೆಯಲ್ಲಿ 2023-24ರಲ್ಲಿ ರಾಣೆಬೆನ್ನೂರ ತಾಲೂಕಿನ ಕಾಕೋಳದಲ್ಲಿ 29 ಎಕರೆ ಪ್ರದೇಶದಲ್ಲಿ ಚಿನ್ನದ ಶೋಧಕ್ಕಾಗಿ ಎಂಇಸಿಎಲ್ ಕಂಪನಿ ಹಾಗೂ ರಟ್ಟಿಹಳ್ಳಿ ತಾಲೂಕಿನ ನಾಗವಂದ ಬಳಿ 177 ಕಿಮೀ ವ್ಯಾಪ್ತಿಯಲ್ಲಿ ಚಿನ್ನ ಮತ್ತು ಇತರ ಖನಿಜಗಳ ನಿಕ್ಷೇಪಕ್ಕಾಗಿ ಶೋಧ ಮಾಡಲು ಕೆಐಒಸಿಎಲ್ ಅನುಮತಿ ಪಡೆದಿದೆ. 2024-25ರಲ್ಲಿ ಬ್ಯಾಡಗಿ ತಾಲೂಕಿನ ಚಿನ್ನಿಕಟ್ಟಿ ಗ್ರಾಮದಲ್ಲಿ 7 ಎಕರೆ ಚಿನ್ನದ ಶೋಧಕ್ಕಾಗಿ ಎಂ/ಎಸ್ ಮೈನಿಂಗ್ ಟೆಕ್ ಕಂಪನಿ ಅನುಮತಿ ಪಡೆದು ಶೋಧ ಕಾರ್ಯ ಆರಂಭಿಸಿದೆ. ಶಂಕ್ರಿಕೊಪ್ಪದಲ್ಲೂ ಚಿನ್ನದ ಶೋಧ ಕಾರ್ಯ ಮುಂದುವರಿದಿದೆ. ಈ ನಡುವೆ ದೆಹಲಿಯ ಕುಂದನ್ ಗೋಲ್ಡ್ ಕಂಪನಿ ರಾಣೆಬೆನ್ನೂರ ತಾಲೂಕಿನ ಜೋಯಿಸರಹರಳಳ್ಳಿ ಸಾಲುಗುಡ್ಡ ಬ್ಲಾಕ್, ಕುಸಗೂರು, ತಿರುಮಲ ದೇವರಕೊಪ್ಪ, ಹಲಗೇರಿ, ಬೆಳಕೇರಿ, ಬೆನಕನಕೊಂಡ, ಗುಡ್ಡದಹೊಸಳ್ಳಿ ಹಾಗೂ ಉಕ್ಕುಂದ ಗ್ರಾಮಗಳಲ್ಲಿ ಚಿನ್ನದ ನಿಕ್ಷೇಪದ ಹುಡುಕಾಟಕ್ಕಾಗಿ ಫೆಬ್ರವರಿ 25, 2026ರಂದು ಸರ್ಕಾರದಿಂದ ಅನುಮತಿ ಪಡೆದಿದೆ.
