ಹಾವೇರಿ ಜಿಲ್ಲಾಸ್ಪತ್ರೆಯಲ್ಲಿ ನಿರ್ಲಕ್ಷೃ ತೋರಿದ ಸಿಬ್ಬಂದಿ ವಜಾಗೊಳಿಸಿ; ಕರವೇ ಆಗ್ರಹ

ಜಿಲ್ಲಾಸ್ಪತ್ರೆ ಆವರಣದಲ್ಲಿ ಗುರುವಾರ ಪ್ರತಿಭಟನೆ ನಡೆಸಿದ ಕಾರ್ಯಕರ್ತರು ಜಿಲ್ಲಾ ಶಸ್ತ್ರ ಚಿಕಿತ್ಸಕ ಡಾ.ಪಿ.ಆರ್.ಹಾವನೂರ ಅವರಿಗೆ ಮನವಿ ಪತ್ರ ಸಲ್ಲಿಸಿದರು.

ನ.18ರಂದು ಜಿಲ್ಲಾಸ್ಪತ್ರೆಯ ಹೆರಿಗೆ ವಿಭಾಗದಲ್ಲಿ ಸಂಭವಿಸಿದ ಘಟನೆ ಅತ್ಯಂತ ಅಮಾನವೀಯವಾದದ್ದು. ಹೆರಿಗೆಗೆ ಬಂದ ರೂಪಾ ಅವರಿಗೆ ಒಂದು ಬೆಡ್ ಕೂಡ ನೀಡದೇ ಮಾನವೀಯವಾಗಿ ವರ್ತಿಸಲಾಗಿದೆ. ಶೌಚಕ್ಕೂ ಕರೆದುಕೊಂಡು ಹೋಗದೇ ನಿರ್ಲಕ್ಷೃ ತೋರಿಸಿದ ಪರಿಣಾಮ ಕಾರಿಡಾರ್‌ನಲ್ಲೇ ಹೆರಿಗೆಯಾಗಿ, ಶಿಶು ಮೃತಪಟ್ಟಿದೆ. ಇದಕ್ಕೆ ಕಾರಣವಾದ ಸಿಬ್ಬಂದಿ ವಿರುದ್ಧ ಕೂಡಲೇ ಕ್ರಮ ಜರುಗಿಸಿ ಎಂದು ಆಗ್ರಹಿಸಿದರು.

ಕರವೇ ಜಿಲ್ಲಾಧ್ಯಕ್ಷ ಹನುಮಂತ ಭೋವಿ, ತಾಲೂಕು ಘಟಕದ ಅಧ್ಯಕ್ಷ ಯುವರಾಜ ನವಲಗುಂದ, ಜಿಲ್ಲಾ ಯುವ ಘಟಕದ ಅಧ್ಯಕ್ಷ ಮೌಲಾಲಿ ಏರಿಮನಿ, ರಮೇಶ ದಾಸಪ್ಪನವರ, ರತ್ನಮ್ಮ ಸಂಗಪ್ಪನವರ, ಅಶೋಕ ಗದಗ, ಅಬ್ದುಲ್‌ಖಾದರ್ ಪಿರಕನವರ, ಸಂತೋಷ ವಾರವಜ್ಜಿ, ಮಂಜುನಾಥ ಬುಳ್ಳಪ್ಪನವರ, ಅಶೋಕ ಹಿತ್ತಲಮನಿ, ಇತರರಿದ್ದರು.