ಕೇರಳ ಮೂಲದ ವ್ಯಕ್ತಿ ಹಲ್ವಾ ಮಾರಾಟಕ್ಕೆಂದು ಬಂಕಾಪುರಕ್ಕೆ ಬಂದಿದ್ದ. ಈ ವೇಳೆ ನನ್ನ ಮಗ ಕಾನೂನು ಬದ್ಧವಾಗಿ ಬಿಟ್ ಕಾಯಿನ್ ಟ್ರೇಡಿಂಗ್ ಮಾಡುತ್ತಿದ್ದು, ಅದರಿಂದ ಬಂದ ಲಾಭಾಂಶದ ಹಣವನ್ನು ಒಂದೇ ಖಾತೆಗೆ ಜಮೆ ಮಾಡಲು ಆಗುತ್ತಿಲ್ಲ. ನಿಮ್ಮ ಖಾತೆಯನ್ನು ಕೊಡಿ, ನಿಮಗೆ ಯಾವುದೇ ತೊಂದರೆ ಆಗದಂತೆ ನೋಡಿಕೊಳ್ಳುತ್ತೇನೆ. ಟ್ರೇಡಿಂಗ್ನಿಂದ ಬಂದ ಹಣದಲ್ಲಿ ನಿಮಗೆ ಕಮಿಷನ್ ಕೊಡುತ್ತೇನೆ ಎಂದು ನಂಬಿಸಿ, ಬಂಕಾಪುರದ ಐದು ಜನರಿಂದ 12 ಬ್ಯಾಂಕ್ ಪಾಸ್ಬುಕ್, ಸಿಮ್ ಕಾರ್ಡ್, ಎಟಿಎಂ ಕಾರ್ಡ್, ಇಂಟರ್ನೆಟ್ ಬ್ಯಾಂಕಿಂಗ್ ಯೂಸರ್ ಐಡಿ, ಪಾಸ್ವರ್ಡ್ ಎಲ್ಲವನ್ನೂ ಪಡೆದುಕೊಂಡು ಕಾನೂನು ಬಾಹಿರವಾಗಿ ಆನ್ಲೈನ್ ವ್ಯವಹಾರ ಮಾಡಿ ವಂಚಿಸಿದ್ದಾರೆ. ಈ ಖಾತೆಗಳ ಮೂಲಕ ಕೋಟ್ಯಂತರ ರೂ. ಹಣಕಾಸು ವರ್ಗಾವಣೆ ಮಾಡಿಕೊಂಡು ಮೋಸ ಮಾಡಿದ್ದಾರೆ ಎಂದು ದೂರಿನಲ್ಲಿ ಉಲ್ಲೇಖಿಸಲಾಗಿದೆ. ಈ ಮೂಲಕ ಹಲ್ವಾ ಮಾರಲು ಬಂದವ ಹಲ್ವಾ ತಿನ್ನಿಸಿ ಹೋದಂತಾಗಿದೆ.
