ಪಾರದರ್ಶಕ ಚುನಾವಣೆ ನಡೆಸಲು ಎಸ್‌ಐಆರ್ ಸಹಕಾರಿ; ಬಿಜೆಪಿ ಸಭೆಯಲ್ಲಿ ಪಾಲಾಕ್ಷಗೌಡ ಪಾಟೀಲ ಹೇಳಿಕೆ

ನಗರದ ಕಾಗಿನೆಲೆ ರಸ್ತೆಯ ಭಾರತೀಯ ಜನತಾ ಪಾರ್ಟಿ ಜಿಲ್ಲಾ ಕಾರ್ಯಲಯದಲ್ಲಿ ಹಾವೇರಿ ವಿಧಾನಸಭಾ ಕ್ಷೇತ್ರದ ಹಾವೇರಿ ನಗರ ಮಂಡಲ ವತಿಯಿಂದ ಗುರುವಾರ ಆಯೋಜಿಸಿದ್ದ ವಿಶೇಷ ಮತದಾರ ಪಟ್ಟಿ ಪರಿಷ್ಕರಣೆ (ಎಸ್‌ಐಆರ್) ಕುರಿತು ಪೂರ್ವಭಾವಿ ಸಭೆಯಲ್ಲಿ ಪಾಲ್ಗೊಂಡು ಅವರು ಮಾತನಾಡಿದರು.

ಮಾಜಿ ಶಾಸಕ ಶಿವರಾಜ ಸಜ್ಜನರ ಮಾತನಾಡಿ, ಬಿಎಲ್‌ಒಗಳು ತಮ್ಮ ಕಾರ್ಯವನ್ನು ನಿಷ್ಠೆಯಿಂದ ನಿಭಾಯಿಸಿದಾಗ ಶೇ.100ರಷ್ಟು ಮ್ಯಾಪಿಂಗ್ ಹಾಗೂ ಡಿಲಿಷನ್ ಕಾರ್ಯ ಮಾಡಲು ಸಾಧ್ಯವಾಗುತ್ತದೆ. ಅವರ ಜತೆಗೆ ನಮ್ಮ ಪಕ್ಷದ ಬಿಎಲ್ಎ 2ಗಳು ಹಾಗೂ ಬೂತ್ ಅಧ್ಯಕ್ಷರು ಹಾಗೂ ಆಯಾ ಬೂತ್‌ಗಳ ಪಕ್ಷದ ಮುಖಂಡರು ಹಾಗೂ ಕಾರ್ಯಕರ್ತರನ್ನು ಒಳಗೊಂಡು ಮ್ಯಾಪಿಂಗ್ ಮಾಡಿಸುವ ಕಾರ್ಯದಲ್ಲಿ ಪಾಲ್ಗೊಳ್ಳಬೇಕು ಎಂದರು. ಬಿಎಲ್‌ಒಗಳು, ಬಿಎಲ್‌ಒ 2ಗಳ ಜತೆಗೆ ಸರಿಯಾಗಿ ಸಂಪರ್ಕ ಹೊಂದುತ್ತಿಲ್ಲ. ಮ್ಯಾಪಿಂಗ್ ಮಾಡಲು ಬಿಎಲ್‌ಒ 2ಗಳ ಜತೆ ಆಗಮಿಸುತ್ತಿಲ್ಲ ಎಂದು ಆರೋಪಿಸಿದರು.

ನಗರ ಮಂಡಲದ ಅಧ್ಯಕ್ಷ ಕಿರಣ ಕೊಳ್ಳಿ ಸಭೆಯ ಅಧ್ಯಕ್ಷತೆ ವಹಿಸಿದ್ದರು. ಬಿಜೆಪಿ ಮುಖಂಡ ಗವಿಸಿದ್ದಪ್ಪ ದ್ಯಾಮಣ್ಣನವರ, ಪ್ರವೀಣ ಶೆಟ್ಟರ, ಸಿದ್ದಣ್ಣ ಚಿಕ್ಕಬಿದರಿ, ನಾಗೇಂದ್ರ ಕಟಕೋಳ, ನಂಜುಂಡೇಶ ಕಳ್ಳೆರ, ಈರಣ್ಣ ಹೆರೂರು, ಜಗದೀಶ ಬಸೆಗಣ್ಣಿ, ವಿಜಯಕುಮಾರ ಚಿನ್ನಿಕಟ್ಟಿ, ನಾಗರಾಜ ಹರಿಗೋಲ, ಶಿವರಾಜ ವನಹಳ್ಳಿ, ಬಿಜೆಪಿ ಪದಾಧಿಕಾರಿಗಳು ಹಾಗೂ ಕಾರ್ಯಕರ್ತರು ಭಾಗವಹಿಸಿದ್ದರು.