ಹಾವೇರಿ ಅಂಜುಮನ್ ಸಂಸ್ಥೆಗೆ 33 ಅಭ್ಯರ್ಥಿಗಳ ಆಯ್ಕೆ

ನಗರದ ಮುನ್ಸಿಪಲ್ ಹೈಸ್ಕೂಲ್‌ನಲ್ಲಿ ಭಾನುವಾರ 20 ಮತಗಟ್ಟೆಗಳನ್ನು ತೆರೆಯಲಾಗಿತ್ತು. ಮತದಾರರು ಬೆಳಗ್ಗೆ 8 ಗಂಟೆಯಿಂದ ಸಂಜೆ 4 ಗಂಟೆವರೆಗೂ ಮತದಾನ ಮಾಡಿದರು. ಮತದಾನದ ಬಳಿಕ ಆರಂಭವಾದ ಮತ ಎಣಿಕೆ ಪ್ರಕ್ರಿಯೆ, ಸೋಮವಾರ ನಸುಕಿನ 3 ಗಂಟೆವರೆಗೂ ನಡೆಯಿತು. ಹೆಚ್ಚು ಮತಗಳನ್ನು ಪಡೆದ ಆಧಾರದಲ್ಲಿ ನೂತನ ಪದಾಧಿಕಾರಿಗಳ ಹೆಸರುಗಳನ್ನು ಘೋಷಿಸಲಾಯಿತು.

ಫಲಿತಾಂಶ ಹೊರಬೀಳುತ್ತಿದ್ದಂತೆ ನೂತನ ಪದಾಧಿಕಾರಿಗಳ ಬೆಂಬಲಿಗರು, ಮುನ್ಸಿಪಲ್ ಹೈಸ್ಕೂಲ್ ಮೈದಾನದಲ್ಲಿ ಸಂಭ್ರಮ ಆಚರಿಸಿದರು. ವಿಜೇತರು ಹಾಗೂ ಬೆಂಬಲಿಗರು ಸಿಹಿ ಹಂಚಿ ಸಂಭ್ರಮಿಸಿದರು.

ಚುನಾವಣೆಗೆ 5,057 ಮತದಾರರು ಹೆಸರು ನೋಂದಾಯಿಸಿದ್ದರು. 4,513 ಮತದಾರರು ಭಾನುವಾರ ಮತ ಚಲಾಯಿಸಿದರು. ಶೇ 89.24ರಷ್ಟು ಮತದಾನವಾಗಿದೆ. ತಪ್ಪಾದ ನಮೂದು ಹಾಗೂ ಇತರೆ ಕಾರಣಗಳಿಂದಾಗಿ 287 ಮತಗಳು ಅಸಿಂಧುಗೊಂಡಿವೆ ಎಂದು ಚುನಾವಣಾ ಅಧಿಕಾರಿ ಅಮೀರ್ ಪಾಷಾ ತಿಳಿಸಿದರು.

ಹುಸೇನ್‌ಸಾಬ (ಜಮೀರ್) ಎಂ. ಜಿಗರಿ, ಇರ್ಫಾನ್‌ಖಾನ ಪಠಾಣ, ಸೈಯದ್ ಮುಜಾಫರ್ ಕೊಟ್ಟಿಗೇರಿ, ನಫ್ತಾರ್ ಅಹ್ಮದ್ ಗುಡಗೇರಿ, ಅನ್ವರಸಾಬ ಕಡೇಮನಿ, ಹಜರತ್ ಅಲಿ ತಹಶೀಲ್ದಾರ್, ಅಯೂಬ್‌ಖಾನ್ ಬಸವನಕೊಪ್ಪ, ಬಾಬುಲಾಲ್ ಬಾಲೆಬಾಯಿ, ಅಜ್ಮತ್‌ಉಲ್ಲಾ ಶೇಖ್, ಮದರ್‌ಸಾಬ ಹುಂಬಿಗೇರಿ, ಮೊಹಮ್ಮದ್ ಸಾದಿಕ್ ಮೇಲ್ಮುರಿ, ಚಮನ್ ಷರೀಫ್ ಮುಲ್ಲಾ, ಆಶ್ಪಾಕ್ ಅಹ್ಮದ್ ಹಸೀನವಾಲೆ, ಇಸ್ಮಾಯಲ್ ಲಾಬೇರ, ಮೊಹಮ್ಮದ್ ಗೌಸ್ ನದಾಫ್, ಪೀರಸಾಬ ಚೋಪದಾರ, ಸಾದಿಕ್ ಸವಣೂರು, ಹಸನರಾಜ್ ಅತ್ತಾರ, ಇಮಾಮ್‌ಹುಸೇನ್ ಬಾಲೆಬಾಯಿ, ಇಮ್ರಾನ್‌ಬಾಷಾ ಅಬ್ದುಲ್‌ಖಾದರ್ ಹೊಂಬರಡಿ, ಖಮರಲಿ ಕಲ್ಯಾಣಿ, ಮನ್ಸೂರಅಲಿ ಮುಲ್ಲಾ, ಇಜಾಜ್ ಅಹ್ಮದ್ ಮೊರಟಗಿ, ಶೋಯೆಬ್ ಹುಸೇನ್ ಬಡಿಗೇರ, ವಸೀಂ ಅಹ್ಮದ್ ಸಾನ್ನುಕ್ಕನವರ, ಅಕ್ಬರ್‌ಖಾನ್ ಶಿರಸಿ (ಎಂ.ಎಸ್. ಮುನ್ನಾ), ಮಹಮ್ಮದ್‌ಸಾದಿಕ್ ಕಬ್ಬೂರ, ಮುಕ್ತಾರ್‌ಅಹ್ಮದ್ ತಟ್ಟಿಮನಿ, ಇರ್ಷಾದ್ ಅಲಿ ಜಮಾದಾರ, ರಫೀಕ್‌ಅಹ್ಮದ್ ಸವಣೂರ, ಖಾಸೀಂಸಾಬ ಅಗಡಿ, ಮಹಬೂಬ್‌ಸಾಬ ದೇವಿಹೊಸೂರು, ಆದಿಲ್ ಸಲೀಂಸಾಬ್ ಚಳ್ಯಾಳ ಆಯ್ಕೆಯಾಗಿದ್ದಾರೆ.