ಆರೋಪಿ ಕುಮಾರ ಕಳೆದ ಮೂರು ತಿಂಗಳ ಹಿಂದೆ ಬೆಂಗಳೂರಿನ ಗುರುಮೂತಿರ್ ಅವರ ಅಂಗಡಿಗೆ ಹಣ್ಣು-ತರಕಾರಿ ಮಾರಾಟ ಮಾಡುತ್ತಿದ್ದ. ನಂತರ ಕೆಲಸ ಬಿಟ್ಟು ತನ್ನೂರಿಗೆ ಬಂದು ಉಳಿದುಕೊಂಡಿದ್ದ. 15 ದಿನದ ಹಿಂದೆ ಗುರುಮೂತಿರ್ಗೆ ಫೋನ್ ಮಾಡಿ ನಮ್ಮ ಮನೆಯಲ್ಲಿ ಚಿನ್ನದ ನಾಣ್ಯಗಳು ದೊರೆತಿವೆ. ಕೆಲವೊಂದಿಷ್ಟು ನಾವು ಆಭರಣ ಮಾಡಿಸಿಕೊಂಡಿದ್ದೇನೆ. ಉಳಿದವುಗಳನ್ನು ನಿಮಗೆ ಕೊಡುತ್ತೇನೆ. ಅದಕ್ಕೆ 6 ಲಕ್ಷ ರೂ. ಕೊಡಬೇಕು ಎಂದು ಹೇಳಿದ್ದ. ಅದರಂತೆ ಗುರುಮೂತಿರ್ 6 ಲಕ್ಷ ರೂ. ತೆಗೆದುಕೊಂಡು ಬಂದಿದ್ದು ಆತನನ್ನು ಕವಲೆತ್ತು ಗ್ರಾಮದ ಬಳಿ ಕರೆಯಿಸಿಕೊಂಡ ಕುಮಾರ ಹಾಗೂ ಆತನ ಸ್ನೇಹಿತರು ಹಣ ತೆಗೆದುಕೊಂಡು ಚಿನ್ನದ ನಾಣ್ಯ ಕೊಡದೆ ವಂಚಿಸಿ ಕಳುಹಿಸಿದ್ದಾರೆ. ಈ ಕುರಿತು ಕುಮಾರಪಟ್ಟಣ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
