Areca insurance ಅಡಕೆ ವಿಮೆ, ಬೆಳೆ ಹಾನಿ ಪರಿಹಾರ ಪಾವತಿಗೆ ಒತ್ತಾಯ

ಹಾನಗಲ್ಲ: ಅಡಕೆಯ ಬೆಳೆ ವಿಮೆ ಪರಿಹಾರ Areca insurance  ಬಿಡುಗಡೆಯಾಗದಿರುವುದು ಹಾಗೂ ಬೆಳೆ ಹಾನಿ ಪರಿಹಾರ ವಿತರಿಸದಿರುವುದನ್ನು ಖಂಡಿಸಿ ರೈತ ಸಂಘದಿಂದ ಪಟ್ಟಣದಲ್ಲಿ ತಹಸೀಲ್ದಾರ್ ಎಸ್.ರೇಣುಕಾ ಅವರಿಗೆ ಸೋಮವಾರ ಮನವಿ ಸಲ್ಲಿಸಲಾಯಿತು.

2024-25ನೇ ಸಾಲಿನ ಅಡಕೆ ಹವಾಮಾನ ಆಧಾರಿತ ಬೆಳೆ ವಿಮೆ ತಾಲೂಕಿನ 39 ಗ್ರಾಪಂಗಳಿಗೆ ಬಿಡುಗಡೆಯಾಗಿದೆ. ಆದರೆ, ಶಿರಗೋಡ, ಅರಳೇಶ್ವರ ಗ್ರಾಪಂ ಹಾಗೂ ಹಾನಗಲ್ಲ ಪಟ್ಟಣದ ಹಳೇಕೋಟಿ ವಿಮಾ ಘಟಕ ವ್ಯಾಪ್ತಿಯ ರೈತರಿಗೆ ಬಿಡುಗಡೆಯಾಗಿಲ್ಲ. ಈಗಾಗಲೇ ಟಮರ್್​ಶೀಟ್​ನ ಅವಧಿ ಮುಗಿದು 6 ತಿಂಗಳು ಕಳೆದಿವೆ. ಕೂಡಲೇ ವಿಮಾ ಪರಿಹಾರ ನೀಡಬೇಕಿತ್ತು.

ವಿಮಾ ಕಂತು ಪಾವತಿಗೆ ಅಂತಿಮ ದಿನಾಂಕ ನಿಗದಿಪಡಿಸಿದಂತೆ ಪರಿಹಾರ ಬಿಡುಗಡೆಗೂ ವಿಮಾ ಕಂಪನಿಗಳಿಗೆ ದಿನಾಂಕ ನಿಗದಿಪಡಿಸಬೇಕು. ವಿಳಂಬ ಅವಧಿಗೆ ವಿಮಾ ಮೊತ್ತಕ್ಕೆ ಬಡ್ಡಿ ಸೇರಿಸಿ ನೀಡಬೇಕು. 39 ಗ್ರಾಪಂಗಳ ವ್ಯಾಪ್ತಿಯಲ್ಲೂ ವಿಮಾ ಹಣ ಜಮೆಯಲ್ಲಿ ವಿಳಂಬವಾಗಿದ್ದು, ತಾಲೂಕಿನಾದ್ಯಂತ ಎಲ್ಲ ರೈತರಿಗೂ ಬಡ್ಡಿ ಹಣವನ್ನು ವಿಮಾ ಕಂಪನಿ ಬಿಡುಗಡೆಗೊಳಿಸಬೇಕು ಎಂದು ರೈತರು ಮನವಿಯಲ್ಲಿ ಆಗ್ರಹಿಸಿದ್ದಾರೆ.