CHCs problem: ಸಿಬ್ಬಂದಿ ಬಲವಿಲ್ಲದೆ ಬಲಹೀನವಾದ ಸಿಎಚ್‌ಸಿ!

ಈ ಕೇಂದ್ರವನ್ನು 2012ರಲ್ಲಿ ಸಮುದಾಯ ಆರೋಗ್ಯ ಕೇಂದ್ರವನ್ನಾಗಿ ಮೇಲ್ದರ್ಜೆಗೇರಿಸಲಾಗಿದೆ. ಮಾಸೂರು ಸೇರಿದಂತೆ ಸುತ್ತಮುತ್ತಲಿನ 15ರಿಂದ 20ಕ್ಕೂ ಹೆಚ್ಚು ಗ್ರಾಮಗಳ ಗ್ರಾಮಸ್ಥರಿಗೆ ಇದೇ ಆಧಾರವಾಗಿದೆ. ಪ್ರತಿದಿನ ಇಲ್ಲಿಗೆ ಹೊರರೋಗಿಗಳು 300ಕ್ಕೂ ಹೆಚ್ಚು ಜನ ಆಗಮಿಸಿ ಚಿಕಿತ್ಸೆ ಪಡೆಯುತ್ತಾರೆ. 20 ರಿಂದ 25 ಒಳರೋಗಿಗಳು ಇರುತ್ತಾರೆ. ಕಳೆದ ಜನವರಿ ತಿಂಗಳಲ್ಲಿ 31, ಫೆಬ್ರವರಿ 30, ಮಾರ್ಚ್ 50, ಏಪ್ರಿಲ್ 24 ಮತ್ತು ಮೇ ಇಲ್ಲಿಯವರೆಗೆ 21 ಒಟ್ಟು 155 ಹೆರಿಗೆಗಳನ್ನು ಯಶಸ್ವಿಯಾಗಿ ಮಾಡಲಾಗಿದೆ. ನಾರ್ಮಲ್ ಡಿಲವರಿಯನ್ನು ಪ್ರತಿ ದಿವಸ ಇಲ್ಲಿ ಮಾಡುತ್ತಿದ್ದರೂ ಸಿಜೇರಿಯನ್ ಹೆರಿಗೆಗಳಿಗೆ ಶುಕ್ರವಾರವನ್ನೇ ಅವಲಂಬಿಸಬೇಕಾಗದ ಪರಿಸ್ಥಿತಿ ಇದೆ. ಅರಿವಳಿಕೆ ತಜ್ಞರು ವಾರದಲ್ಲಿ ಕೇವಲ ಶುಕ್ರವಾರ ಮಾತ್ರ ಇಲ್ಲಗೆ ಆಗಮಿಸುವುದರಿಂದ ಅಗತ್ಯವಿರುವ ಸಿಜೇರಿಯನ್ ಡಿಲವರಿಯನ್ನು ಶುಕ್ರವಾರ ಮಾಡಲಾಗುತ್ತದೆ. ಉಳಿದ ದಿವಸಗಳಲ್ಲಿ ಸೀಜರಿನ್ ಡಿಲವರಿಗೆ ಬೇರೆ ಆರೋಗ್ಯ ಕೇಂದ್ರಗಳಿಗೆ ಕಳುಹಿಸಲಾಗುತ್ತದೆ. ಹೀಗಾಗಿ ಇಲ್ಲಿ ಅರಳಿಕೆ ತಂತ್ರಜ್ಞರ ನೇಮಕವಾಬೇಕಾಗಿದೆ.