ಆರೋಪಿಗಳು ಶೀವಾನಂದ ಕುನ್ನೂರ ಹತ್ಯೆಗೈದ ನಂತರ ಮೂರು ಬೈಕ್ಗಳಲ್ಲಿ ಪರಾರಿಯಾಗಿದ್ದರು. ಶಿಗ್ಗಾಂವಿ ತಾಲೂಕು ಕೆಂಗಾಪುರ ಹಾಗೂ ಬನ್ನಿಕೊಪ್ಪ ಬಳಿ ಬೈಕ್ ಎಸೆದು, ಸ್ವಿಫ್ಟ್ ಕಾರನ್ನು ಬಾಡಿಗೆ ಮಾಡಿಕೊಂಡು ಉತ್ತರ ಕನ್ನಡ ಜಿಲ್ಲೆ ರಾಮನಗರ ಕಡೆ ಹೊರಟಿದ್ದರು. ನಂತರ ಅದೇ ಚಾಲಕನಿಂದ ಮತ್ತೊಬ್ಬ ಚಾಲಕನಿಗೆ ಕರೆ ಮಾಡಿಸಿ ಮತ್ತೊಂದು ಎರ್ಟಿಗಾ ಕಾರು ಬಾಡಿಗೆ ತರಿಸಿದ್ದರು. ಎರಡೂ ಕಾರಲ್ಲಿ ಹತ್ತಿ ಧಾರವಾಡ, ಸವದತ್ತಿ, ಮತ್ತಿತರ ಕಡೆಗಳಲ್ಲಿ ಸುತ್ತಾಡಿದ್ದರು. ಆಗ ಕಾರಿನ ಚಾಲಕನೊಬ್ಬ ಎಲ್ಲಿಗೆ ಹೋಗಬೇಕು ಸೀದಾ ಹೇಳಿ. ಅಲ್ಲಿಗೆ ಬಿಡುತ್ತೇನೆ ಎಂದು ಹೇಳಿದ್ದಾನೆ. ಆತನಿಗೆ ಕೊಲೆ ಮಾಡಿದ ವಿಡಿಯೋ ತೋರಿಸಿ ಬೆದರಿಸಿ, ಮತ್ತೆ ಮುಂದೆ ಸುತ್ತಾಡಿದ್ದಾರೆ. ಬಳಿಕ ಧಾರವಾಡ ಬಳಿ ಮತ್ತೊಂದು ಕ್ರೂಸರ್ ವಾಹನ ಬಾಡಿಗೆ ಪಡೆದು ದಾವಣಗೆರೆ ಕಡೆಗೆ ಹೋಗಿ, ಹಾನಗಲ್ಲ ಕಡೆಗೆ ಬಂದಾಗ ಪೊಲೀಸರು ಬಲೆ ಬೀಸಿದ್ದಾರೆ ಎಂದು ಮೂಲಗಳು ತಿಳಿಸಿವೆ. ಕೃತ್ಯಕ್ಕೆ ಬಳಸಿದ 2 ಬೈಕ್ ಪೊಲೀಸರು ವಶಪಡಿಸಿಕೊಂಡಿದ್ದಾರೆ ಎನ್ನಲಾಗಿದೆ.
