25-50 ರೂ. ಲಾಭಾಂಶ ಕೊಡುವುದಾಗಿ 2.32 ಲಕ್ಷ ರೂ. ವಂಚನೆ

ಹಾವೇರಿ: ಯುವತಿಯೊಬ್ಬಳಿಗೆ ಗೂಗಲ್​ ಮ್ಯಾಪ್​ ರೇಟಿಂಗ್​ ಕುರಿತು ತಿಳಿಸಿ ಒಂದು ರೇಟಿಂಗ್​ಗೆ 25-50 ರೂ.ನಂತೆ ಲಾಭಾಂಶ ಕೊಡುವುದಾಗಿ ಹೇಳಿ 2.32 ಲಕ್ಷ ರೂ. ವಂಚಿಸಿರುವ ಕುರಿತು ಇಲ್ಲಿಯ ಸೈಬರ್​ ಕೆಂ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಸುಚಿತ್ರಾ ಎಂಬುವರಿಗೆ ಮೋಸ ಮಾಡಿರುವುದು.

ಇವರಿಗೆ ಯಾರೋ ಅಪರಿಚಿತ ವ್ಯಕ್ತಿ ಫೋನ್​ ಮಾಡಿ ಯಾವುದೋ ಒಂದು ಲಿಂಕ್​ ಓಪನ್​ ಮಾಡಿಸಿ ಗೂಗಲ್​ ಮ್ಯಾಪ್​ ರೇಟಿಂಗ್​ ಕುರಿತು ಮಾಹಿತಿ ನೀಡಿದ್ದಾನೆ. ಅಲ್ಲದೆ ಒಂದು ರೇಟಿಂಗ್​ಗೆ 25-50 ರೂ. ಕೊಡುತ್ತೇನೆ ಎಂದು ನಂಬಿಸಿ 2.32 ಲಕ್ಷ ರೂ. ಅನ್ನು ಹಾಕಿಸಿಕೊಂಡು ಮೋಸ ಮಾಡಿದ್ದಾರೆ ಎನ್ನಲಾಗಿದೆ. ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.