33 ವರ್ಷದ ಮಹಿಳೆ ಜಿಲ್ಲಾಸ್ಪತ್ರೆ ವೈದ್ಯರ ವಸತಿ ಗೃಹದ ಕೆಲ ಮನೆಗಳಲ್ಲಿ ಮನೆಗೆಲಸ ಮಾಡುತ್ತಿದ್ದರು. ಚುರ್ಚಿಹಾಳ ಅವರ ಮನೆಯಲ್ಲೂ ಮನೆಗೆಲಸಕ್ಕೆ ಹೋಗುತ್ತಿದ್ದರು. ಫೆ.13ರಂದು ಬೆಳಗ್ಗೆ ಚುರ್ಚಿಹಾಳ ಮನೆಗೆ ಕೆಲಸಕ್ಕೆ ಹೋದಾಗ, ‘ನನ್ನ ಸೊಂಟಕ್ಕೆ ಕೈಹಾಕಿ, ಸೀರೆ ಹಿಡಿದು ಎಳೆದಾಡಿದರು. ನೀನು ಮಾದರ ಜಾತಿಯವಳು. ನಾನು ಜಿಲ್ಲಾಸ್ಪತ್ರೆಯ ಡಾಕ್ಟರ್. ನಾನು ಹೇಳಿದಂಗ ಜಿಲ್ಲಾಸ್ಪತ್ರೆ ಕೇಳತೈತಿ. ನೀನೂ ನಾನು ಹೇಳಿದಂಗ ಕೇಳಿಕೊಂಡು ಇರಬೇಕು ಎಂದು ಕಪಾಳಕ್ಕೆ ಹೊಡೆದರು. ನಂತರ ನಾನು ಅವರ ಕೈಯಿಂದ ತಪ್ಪಿಸಿಕೊಂಡು ಊರಿಗೆ ಹೋದೆ’ ಎಂದು, ಈ ಕುರಿತು ಸೂಕ್ತ ಕಾನೂನು ಕ್ರಮ ಜರುಗಿಸುವಂತೆ ನೊಂದ ಮಹಿಳೆ ಮಹಿಳಾ ಠಾಣೆಯಲ್ಲಿ ನೀಡಿರುವ ದೂರಿನಲ್ಲಿ ಹೇಳಿಕೊಂಡಿದ್ದಾರೆ.
