ರಾಣೆಬೆನ್ನೂರ ತಾಲೂಕಿನ ಪ್ರವಾಸಿ ತಾಣಗಳ ಪರಿಶೀಲನೆಗೆ ತೆರಳಿದ್ದ ಸಚಿವ ಎಚ್.ಕೆ.ಪಾಟೀಲರು ರಾತ್ರಿ ಹಾವೇರಿ ತಾಲೂಕಿನ ನರಸೀಪುರದ ನಿಜಶರಣ ಅಂಬಿಗರ ಚೌಡಯ್ಯನವರ ಗುರುಪೀಠಕ್ಕೆ ಭೇಟಿ ನೀಡಿ, ಶ್ರೀಗಳೊಂದಿಗೆ ಚರ್ಚಿಸಿದರು. ನಂತರ ಸಚಿವರು ಶ್ರೀಗಳೊಂದಿಗೆ ಒಂದೇ ಕಾರಲ್ಲಿ ಐಕ್ಯಮಂಟಪಕ್ಕೆ ತೆರಳಿದ್ದರು. ಐಕ್ಯ ಮಂಟಪ ಅಭಿವೃದ್ಧಿಪಡಿಸದೇ ಕೇವಲ ಮಠವನ್ನು ಅಭಿವೃದ್ಧಿಪಡಿಸಲಾಗಿದೆ ಎಂದು ಬೇಸರಗೊಂಡಿದ್ದ ಕೆಲ ಗ್ರಾಮಸ್ಥರು ಸ್ವಾಮೀಜಿ ಹಾಗೂ ಸಚಿವರ ಕಾರಿಗೆ ೇರಾವ್ ಹಾಕಿದರು. ಸ್ಥಳದಲ್ಲಿ ಎರಡು ಬಣ ಸೇರಿದ್ದರಿಂದ ಗೊಂದಲ ಉಂಟಾಗಿತ್ತು. ಸಚಿವರು, ಶಾಸಕರು ಗ್ರಾಮಸ್ಥರ ಮನವೊಲಿಸಲು ವಿಫಲರಾದರು. ಹಾಗಾಗಿ, ಸಚಿವರು, ಶ್ರೀಗಳು ಐಕ್ಯಮಂಟಪ ವೀಕ್ಷಿಸದೇ ವಾಪಸಾದರು.
