ಅರಕಲಗೂಡು: ಪಟ್ಟಣದ ಬಿಜಿಎಸ್ ವಿಜ್ಞಾನ ಮತ್ತು ವಾಣಿಜ್ಯ ಪದವಿಪೂರ್ವ ಕಾಲೇಜಿನ ವಿದ್ಯಾರ್ಥಿಗಳು ಇತ್ತೀಚೆಗೆ ಪದವಿ ಪೂರ್ವ ಶಿಕ್ಷಣ ಇಲಾಖೆ ಮತ್ತು ಸಂತ ಜೋಸೆಫರ ಪದವಿಪೂರ್ವ ಕಾಲೇಜು ಸಹಯೋಗದಲ್ಲಿ ಹಾಸನದಲ್ಲಿ ಆಯೋಜಿಸಿದ್ದ ಜಿಲ್ಲಾ ಮಟ್ಟದ ಪದವಿಪೂರ್ವ ಕಾಲೇಜುಗಳ ಕ್ರೀಡಾಕೂಟದಲ್ಲಿ ವಿವಿಧ ಕ್ರೀಡಾ ಸ್ಪರ್ಧೆಗಳಲ್ಲಿ ಉತ್ತಮ ಸಾಧನೆ ಮಾಡಿ ರಾಜ್ಯ ಮಟ್ಟದ ಕ್ರೀಡಾಕೂಟಕ್ಕೆ ಆಯ್ಕೆಯಾಗಿದ್ದಾರೆ.
ಬಾಲಕಿಯರ ವಿಭಾಗದಲ್ಲಿ ಕೆ.ಕೆ.ಸುಚಿತ್ರಾ ಅವರು 3000 ಮೀಟರ್ ಓಟ ಹಾಗೂ ಕ್ರಾಸ್ ಕಂಟ್ರಿಯಲ್ಲಿ ಪ್ರಥಮ ಸ್ಥಾನ, 1500 ಮೀಟರ್ ಓಟದಲ್ಲಿ ತೃತೀಯ ಸ್ಥಾನ ಪಡೆದಿದ್ದಾರೆ. ಐ.ಕೆ. ಸ್ಪೂರ್ತಿ ಕ್ರಾಸ್ ಕಂಟ್ರಿಯಲ್ಲಿ ದ್ವಿತೀಯ, ಲೇಖನಾ ಎತ್ತರ ಜಿಗಿತ ಪ್ರಥಮ, ನಿಶಾನ್ಯಾ ಮತ್ತು ತಂಡ ಟೆನಿಸ್ ವಾಲಿಬಾಲ್ ಪ್ರಥಮ, ಕೆ.ಕೆ.ಸುಚಿತ್ರಾ ಮತ್ತು ತಂಡ 400 ಮೀ ರಿಲೇ ದ್ವಿತೀಯ, ಯಶಸ್ವಿನಿ ಮತ್ತು ತಂಡ ಖೋ ಖೋ ದ್ವಿತೀಯ, ನಿಶಾನ್ಯಾ ಮತ್ತು ತಂಡ ವಾಲಿಬಾಲ್ ಪಂದ್ಯಾವಳಿಯಲ್ಲಿ ಪ್ರಥಮ ಸ್ಥಾನ ಗಳಿಸಿದ್ದಾರೆ.
ಬಾಲಕರ ವಿಭಾಗದಲ್ಲಿ ನಿಶಾಂತ್ ಮತ್ತು ತಂಡ ಟೆನಿಸ್, ವಾಲಿಬಾಲ್ ಪಂದ್ಯಾವಳಿಯಲ್ಲಿ ಪ್ರಥಮ, ಕ್ರಾಸ್ ಕಂಟ್ರಿ ಯಲ್ಲಿ ದುಶ್ಯಂತ್ ಪ್ರಥಮ, 1500ಮೀ ಓಟ ತೃತೀಯ, 3000 ಮೀ ಓಟ ದ್ವಿತೀಯ ಹಾಗೂ ಎಚ್.ಸಿ. ನಿಖಿಲ್ ಯೋಗ ಸ್ಪರ್ಧೆಯಲ್ಲಿ ಪ್ರಥಮ, ಸಿದ್ದೇಶ್ ಗೌಡ 400 ಮೀ ಹರ್ಡಲ್ಸ್ ಪ್ರಥಮ, ಕರಾಟೆ ಪ್ರಥಮ, ವೇಟ್ ಲಿಫ್ಟಿಂಗ್ ದ್ವಿತೀಯ ಮತ್ತು ರಿಯಾನ್ 400 ಮೀ ಓಟ ತೃತೀಯ, ಕ್ರಾಸ್ ಕಂಟ್ರಿ ತೃತೀಯ, ಉಲ್ಲಾಸ್ ಗೌಡ ಕರಾಟೆ ದ್ವಿತೀಯ, ಹೃತಿಕ್ ಗೌಡ ಕ್ರಾಸ್ ಕಂಟ್ರಿಯಲ್ಲಿ 6ನೇ ಸ್ಥಾನ ಪಡೆದಿದ್ದಾರೆ.
ಹಾಸನ ಆದಿಚುಂಚನಗಿರಿ ಮಹಾಸಂಸ್ಥಾನ ಮಠದ ಹಾಗೂ ಸಂಸ್ಥೆಯ ಕಾರ್ಯದರ್ಶಿ ಶ್ರೀ ಶಂಭುನಾಥ ಮಹಾಸ್ವಾಮೀಜಿ ಹಾಗೂ ಪ್ರಾಂಶುಪಾಲ ಮಹೇಶ್ ಹೊಡೆನೂರು, ಆಡಳಿತ ಮಂಡಳಿ, ಉಪನ್ಯಾಸಕರು, ದೈಹಿಕ ಶಿಕ್ಷಣ ಶಿಕ್ಷಕರು ವಿಜೇತ ಕ್ರೀಡಾಪಟುಗಳಿಗೆ ಅಭಿನಂದನೆ ಸಲ್ಲಿಸಿದ್ದಾರೆ.
ಬಾಲಕಿಯರ ಮತ್ತು ಬಾಲಕರ ವಿಭಾಗದಲ್ಲಿ ಹಲವು ಕ್ರೀಡೆಗಳಲ್ಲಿ ಗಮನಾರ್ಹ ಪ್ರದರ್ಶನ ನೀಡಿ ರಾಜ್ಯ ಮಟ್ಟದ ಪದವಿಪೂರ್ವ ಕಾಲೇಜುಗಳ ಪಂದ್ಯಾವಳಿಗೆ ಅರ್ಹತೆ ಗಳಿಸಿರುವ ವಿದ್ಯಾರ್ಥಿಗಳು ರಾಜ್ಯಮಟ್ಟದ ಸ್ಪರ್ಧೆಗಳಲ್ಲಿಯೂ ಉತ್ತಮ ಪ್ರದರ್ಶನ ನೀಡಿ ಕಾಲೇಜಿನ ಕೀರ್ತಿ ಹೆಚ್ಚಿಸುವಂತೆ ಶ್ರೀ ಶಂಭುನಾಥ ಸ್ವಾಮೀಜಿ ಆಶಯ ವ್ಯಕ್ತಪಡಿಸಿದರು.
