ಬೇಲೂರು ದೇಗುಲದಲ್ಲಿ ದಾಸೋಹ ಪುನರಾರಂಭ

ಅಡುಗೆ ಅನಿಲಯದ ಸಿಲಿಂಡರ್ ಸರಬರಾಜಿನಲ್ಲಿ ವಿಳಂಬವಾದ ಹಿನ್ನೆಲೆಯಲ್ಲಿ ದಾಸೋಹ ಭವನದಲ್ಲಿ ಎರಡು ದಿನ ದಾಸೋಹ ಬಂದ್ ಮಾಡಲಾಗಿತ್ತು. ತಹಸೀಲ್ದಾರ್ ಶ್ರೀಧರ್ ಕಂಕಣವಾಡಿ ಶನಿವಾರ ದಾಸೋಹ ಭವನಕ್ಕೆ ಆಗಮಿಸಿ ಪರಿಸೀಲಿಸಿ ನಂತರ ಆಹಾರ ಇಲಾಖೆ ಅಧಿಕಾರಿಗಳೊಂದಿಗೆ ಚರ್ಚಿಸಿ ತಾಲೂಕು ಆಡಳಿತದಿಂದ ತಾತ್ಕಾಲಿಕವಾಗಿ ದಾಸೋಹಕ್ಕೆ ಸಿಲಿಂಡರ್‌ಗಳನ್ನು ಪೂರೈಸುವ ಮೂಲಕ ಅಡುಗೆ ತಯಾರಿಸಲು ಸಹಕರಿಸಿದರು. ಬಳಿಕ ಭಕ್ತರಿಗೆ ಪ್ರಸಾದ ಬಡಿಸಲಾಯಿತು.

ಕೆಲವೇ ದಿನಗಳಲ್ಲೇ ಶ್ರೀ ಚನ್ನಕೇಶವಸ್ವಾಮಿ ದೇಗುಲದಲ್ಲಿ ಜಾತ್ರಾ ಮಹೋತ್ಸವ ಪ್ರಾರಂಭವಾಗಲಿದ್ದು 15 ದಿನಗಳ ಕಾಲ ಭಕ್ತರು ದೇಗುಲಕ್ಕೆ ಹೆಚ್ಚಿನ ಸಂಖ್ಯೆಯಲ್ಲಿ ದೇವರ ಪೂಜೆ ಹಾಗೂ ದರ್ಶನಕ್ಕೆ ಆಗಮಿಸಲಿದ್ದಾರೆ.