ನಿರ್ಮಲಾ ಚಿತ್ರಕಲಾ ಕಾಲೇಜಿನ ನಿವೃತ್ತ ಪ್ರಾಂಶುಪಾಲ ಆರ್.ಸಿ.ಕಾರದಕಟ್ಟಿ ಮಾತನಾಡಿ, ಹಾಸನಕ್ಕೆ ಬಿ.ಎಸ್. ದೇಸಾಯಿ ಅವರು ಚಿತ್ರಕಲಾ ಶಿಕ್ಷಕರಾಗಿ ಬಂದ ನಂತರ ತ್ರಿವೇಣಿ ಸಂಗಮದಂತೆ, ಕಲಾ ಪ್ರಾತ್ಯಕ್ಷಿಕೆ, ವಿಚಾರ ಸಂಕಿರಣ, ಚಿತ್ರಕಲಾ ಪ್ರದರ್ಶನಗಳು ಕಲಾ ಚಟುವಟಿಕೆ ಚಾಲನೆಗೊಂಡು ರಾಜ್ಯದ ಹಿರಿಯ ಚಿತ್ರಕಲಾವಿದರ, ಯುವ ಕಲಾವಿದರ ಆಗಮನ ಹೆಚ್ಚಾಗಿ ಕಲೆಯ ಬಗ್ಗೆ ಜ್ಞಾನ ವಿಸ್ತರಿಸುತ್ತಾ ಬಂತು. ರಾಜ್ಯ ಚಿತ್ರಕಲಾ ಶಿಕ್ಷಕರ ಸಮ್ಮೇಳನ, ಕರ್ನಾಟಕ ಲಲಿತಕಲಾ ಅಕಾಡೆಮಿಯ ಚಿತ್ರಕಲಾ ಶಿಬಿರ ವಾರ್ಷಿಕ ಕಲಾ ಪ್ರದರ್ಶನ ಮತ್ತು ಅದರ ಜತೆ ಸಾಂಸ್ಕೃತಿಕ ಕಾರ್ಯಕ್ರಮಗಳು ಬಹು ಯಶಸ್ವಿಯಾಗಿ ನಿರ್ವಹಿಸಿದ ಯಶಸ್ಸು ದೇಸಾಯಿ ಅವರದು ಎಂದು ಶ್ಲಾಘಿಸಿದರು.
