ಆಲಿಕಲ್ಲು ಸಹಿತ ಭಾರಿ ಮಳೆ

ಕಳೆದ ಎರಡು ದಿನಗಳಿಂದ ಅಲ್ಲಲ್ಲಿ ಸಾಧರಣವಾಗಿ ಮಳೆಯಾಗಿತ್ತು. ಬುಧವಾರ ಮಧ್ಯಾಹ್ನ ಕೆಲವೆಡೆ ಜೋರಾಗಿ ಅಬ್ಬರಿಸಿತು. ಕೊಣನೂರು ಮತ್ತು ಅರಕಲಗೂಡು ಪಟ್ಟಣ ಸುತ್ತಮುತ್ತ ಮಧ್ಯಾಹ್ನ 3 ಗಂಟೆ ಸುಮಾರಿಗೆ ಶುರುವಾದ ಮಳೆ ಕೆಲಕಾಲ ಮಿಂಚು ಗುಡುಗು ಸಹಿತ ಸುರಿಯಿತು.

ಮಳೆಯಿಂದಾಗಿ ಕೊಣನೂರು ಮತ್ತು ಅರಕಲಗೂಡಿನಲ್ಲಿ ದಿನವಹಿ ಮಾರುಕಟ್ಟೆ ಪ್ರದೇಶಗಳಲ್ಲಿ ಹಬ್ಬದ ವಸ್ತುಗಳನ್ನು ಕೊಳ್ಳಲು ಬಂದಿದ್ದ ಜನರು, ವ್ಯಾಪಾರಿಗಳು ಪರದಾಡಿದರು. ಮಳೆ ರೈತರ ಕೃಷಿ ಚಟುವಟಿಕೆಗಳಿಗೆ ಅನುಕೂಲವಾಯಿತು.