ಸೋಲಾರ್ ಪಂಪುಗಳ ಅಳವಡಿಕೆಗೆ ಅರ್ಜಿ ಸಲಿಸಿ

ಹೋಬಳಿ ಕೇಂದ್ರದ ಬಾಗೂರು ರಸ್ತೆಯಲ್ಲಿ ಟ್ರಾನ್ಸ್‌ಫಾರ್ಮರ್‌ಗಳ ಶಿಥಿಲಗೊಂಡ ಕಂಬಗಳು ಹಾಗೂ ಪರಿವರ್ತಕಗಳ ಬದಲಾವಣೆ ಕಾಮಗಾರಿಗೆ ಮಂಗಳವಾರ ಭೂಮಿಪೂಜೆ ನೆರವೇರಿಸಿ ಮಾತನಾಡಿದರು.

ಈ ಯೋಜನೆಗೆ ರಾಜ್ಯ ಸರ್ಕಾರ ಶೇ.50, ಕೇಂದ್ರ ಸರ್ಕಾರ ಶೇ.30 ಹಣ ಬಿಡುಗಡೆ ಮಾಡುತ್ತದೆ. ರೈತರು ಶೇ.20ರಷ್ಟು ಹಣ ಮಾತ್ರ ಕಟ್ಟಬೇಕು. ಈ ಯೋಜನೆಯಿಂದ ರೈತರಿಗೆ ಏಳೂವರೆ ಎಚ್.ಪಿ. ಮೋಟಾರ್ ಪಂಪು ಹಾಗೂ ಪೈಪನ್ನು ಸರ್ಕಾರ ನೀಡುತ್ತದೆ ಎಂದು ತಿಳಿಸಿದರು.

ತಾಲೂಕಿನಲ್ಲಿ ನಾಲ್ಕೂವರೆ ಸಾವಿರ ರೈತರ ಅಕ್ರಮ ಕೊಳವೆಬಾವಿಗಳಿವೆ. ಈ ಹಿಂದೆ ಕುಮಾರಸ್ವಾಮಿ ಅವರು ಮುಖ್ಯಮಂತ್ರಿಗಳಾಗಿದ್ದಾಗ 7 ಸಾವಿರ ಟ್ರಾನ್ಸ್‌ಫಾರ್ಮರ್‌ಗಳನ್ನು ಅಳವಡಿಸಿ 7 ಸಾವಿರ ಕೊಳವೆ ಬಾವಿಗಳ ಪಂಪ್‌ಸೆಟ್‌ಗಳನ್ನು ಸಕ್ರಮಗೊಳಿಸಲಾಗಿದೆ ಎಂದರು.

ತಾಲೂಕಿನಲ್ಲಿ ಶಿಥಿಲಗೊಂಡ ಟಿಸಿ ಕಂಬಗಳು, ಎಲ್.ಟಿ. ಕಿಟ್‌ಗಳು, ಪರಿವರ್ತಕಗಳ ಬದಲಾವಣೆಗೆ 2 ಕೋಟಿ ರೂ. ಅನುದಾನ ಬಿಡುಗಡೆ ಮಾಡಿಸಿ ಟೆಂಡರ್ ಮೂಲಕ ಕಾಮಗಾರಿಗೆ ಚಾಲನೆ ನೀಡಲಾಗಿದೆ ಎಂದು ತಿಳಿಸಿದರು.

ಸಹಾಯಕ ಕಾರ್ಯಪಾಲಕ ಇಂಜಿನಿಯರ್ ವಜ್ರಕುಮಾರ್, ಮಹದೇವ್, ರಂಗೇಗೌಡ, ಗ್ರಾಮ ಪಂಚಾಯಿತಿ ಅಧ್ಯಕ್ಷ ಹೊನ್ನೇಗೌಡ, ಎಪಿಎಂಸಿ ಮಾಜಿ ಅಧ್ಯಕ್ಷ ದೊರೆಸ್ವಾಮಿ, ತಾಲೂಕು ಪಂಚಾಯಿತಿ ಮಾಜಿ ಸದಸ್ಯ ಬೆಳಗಳ್ಳಿ ಪುಟ್ಟಸ್ವಾಮಿ, ಗ್ರಾಪಂ ಮಾಜಿ ಅಧ್ಯಕ್ಷ ಬಸವನಪುರ ಬೆಳ್ಳೇಕಾರ್ ಪ್ರಕಾಶ್, ಮುಖಂಡರಾದ ಸಂಪತ್ ಕುಮಾರ್, ನಟರಾಜ್, ಕೊಪ್ಪಲು ಮಂಜುನಾಥಸ್ವಾಮಿ, ಎಸ್. ಪ್ರಕಾಶ್, ಎಚ್.ಬಿ.ಶೇಖರ್, ಯಲಪ್ಪ, ನಂಜುಂಡೇಗೌಡ ಇತರರು ಹಾಜರಿದ್ದರು.