ಮತದಾರರ ಹೆಸರು ಬಿಟ್ಟು ಹೋಗದಂತೆ ಕ್ರಮ

ತಾಲೂಕು ಕಚೇರಿಯಲ್ಲಿ ಸೋಮವಾರ ಸಂಜೆ ಆಯೋಜಿಸಿದ್ದ ವಿವಿಧ ರಾಜಕೀಯ ಪಕ್ಷಗಳ ಮುಖಂಡರ ಎಸ್‌ಐಆರ್ ಸಭೆಯಲ್ಲಿ ಮಾತನಾಡಿದ ಅವರು, ಪ್ರತಿವಾರ ಸಭೆ ನಡೆಸಿ ಎಸ್‌ಐಆರ್ ಪ್ರಗತಿ ಪರಿಶೀಲಿಸಲಾಗುತ್ತಿದೆ. ಕರಡು ಮತದಾರರ ಪಟ್ಟಿಗೆ ಸಂಬಂಧಿಸಿದ ಅರ್ಜಿ ಹಾಗೂ ಆಕ್ಷೇಪಣೆಗಳ ವಿಚಾರಣೆ ನಡೆಯುತ್ತಿದೆ. ಕ್ಷೇತ್ರದಲ್ಲಿ ಇಲ್ಲಿವರೆಗೆ 7,518 ಜನರಿಗೆ ನೋಟಿಸ್ ಸಿದ್ಧಪಡಿಸಿದ್ದು, 6,537 ನೋಟಿಸ್ ವಿತರಿಸಲಾಗಿದೆ. ಇನ್ನೂ 981 ನೋಟಿಸ್‌ಗಳ ವಿತರಣೆ ಬಾಕಿಯಿದೆ. ಶೀಘ್ರದಲ್ಲೇ ವಿತರಿಸಿ ಎಐಆರ್ ಪ್ರಕ್ರಿಯೆ ಸಂಬಂಧ ಮತದಾರರ ಪಟ್ಟಿಯಲ್ಲಿ ಹೆಸರು ಬಿಟ್ಟು ಹೋಗದಂತೆ ಕ್ರಮ ಕೈಗೊಳ್ಳಲಾಗುವುದು ಎಂದರು.

ತಹಸೀಲ್ದಾರ್ ಶ್ರೀಧರ್ ಕಂಕನವಾಡಿ ಮಾತನಾಡಿ, ಮತದಾರರ ಕರಡು ಪಟ್ಟಿಯಲ್ಲಿ ಹೆಸರು ಬಿಟ್ಟು ಹೋಗಿದ್ದರೆ ಆತಂಕ ಪಡುವ ಅಗತ್ಯವಿಲ್ಲ. ಫಾರ್ಮ್ 6 ಮೂಲಕ ಈಗಲೂ ಹೆಸರು ಸೇರ್ಪಡೆಗೆ ಅವಕಾಶವಿದೆ. ಎಸ್‌ಐಆರ್ ಅಂಗವಾಗಿ ಸೆ. 19 ಮತ್ತು 20 ರಂದು ವಿಶೇಷ ಆಂದೋಲನ ನಡೆಯಲಿದ್ದು, ಹೆಸರು ಸೇರ್ಪಡೆ, ತಿದ್ದುಪಡಿ ಸೇರಿದಂತೆ ಅಗತ್ಯ ಕಾರ್ಯಗಳನ್ನು ಮತದಾರರು ಸರಿ ಪಡಿಸಿ ಕೊಳ್ಳಬಹುದು ಎಂದರು.

ಎಸ್‌ಐಆರ್ ಪ್ರಕ್ರಿಯೆ ಪೂರ್ಣಗೊಂಡ ಬಳಿಕವೂ ಹೆಸರು ಸೇರ್ಪಡೆಗೆ ಅವಕಾಶವಿದೆ. ಎಸ್‌ಐಆರ್ ನಡೆಯುತ್ತಿರುವಾಗಲೇ ಪ್ರತಿಯೊಬ್ಬರೂ ಹೆಸರು ಪರಿಶೀಲಿಸಬೇಕು. ಹೆಸರು ಬಿಟ್ಟು ಹೋಗಿದ್ದರೆ ದಾಖಲೆ ಸಲ್ಲಿಸಬೇಕು ಎಂದರು.]

ಪುರಸಭೆ ಸದಸ್ಯ ಬಿ.ಎ.ಜಮಾಲುದ್ದೀನ್, ಬಿಜೆಪಿ ಮುಖಂಡ ರಂಗನಾಥ, ಹೊನ್ನೇಗೌಡ, ಪದ್ಮೇಗೌಡ ಸೇರಿದಂತೆ ವಿವಿಧ ರಾಜಕೀಯ ಪಕ್ಷಗಳ ಮುಖಂಡರು ಅಧಿಕಾರಿಗಳಿದ್ದರು.