ಕಬ್ಬಿದ ಸೇತುವೆಗೆ ನಿರ್ವಹಣೆ ಕೊರತೆ

1860 ದಶಕದಲ್ಲಿ ಬ್ರಿಟಿಷರು ಲಂಡನ್‌ನಿಂದ ಕಬ್ಬಿಣ ರಪ್ತು ಮಾಡಿಕೊಳ್ಳುವ ಮೂಲಕ ಹೇಮಾವತಿ ನದಿಗೆ ಅತ್ಯದ್ಭುತವಾದ ಎರಡು ಪಥದ ಕಬ್ಬಿಣದ ಸೇತುವೆ ನಿರ್ಮಾಣ ಮಾಡಿದ್ದರು.

ಸೇತುವೆ ನಿರ್ಮಾಣಗೊಂಡ ನಂತರ ತಾಲೂಕಿನಲ್ಲಿ ಸಾಕಷ್ಟು ಕಾಫಿ ತೋಟಗಳು ನಿರ್ಮಾಣಗೊಂಡರೆ, ಪಟ್ಟಣದಲ್ಲಿ ಹಲವು ಕಟ್ಟಡಗಳು ತಲೆ ಎತ್ತಿದ್ದಲ್ಲದೆ ಕರಾವಳಿ ಒಳನಾಡಿಗೂ ಸಾರಿಗೆ ಸೌಕರ್ಯ ಏರ್ಪಟ್ಟಿತ್ತು.

ಶತಮಾನಗಳ ಕಾಲ ಕರಾವಳಿ ಹಾಗೂ ಒಳನಾಡಿನ ಕೊಂಡಿಯಾಗಿದ್ದ ಕಬ್ಬಿಣದ ಸೇತುವೆ ಬೃಹತ್ ವಾಹನಗಳ ಸಂಚಾರಕ್ಕೆ ಸರಿಯಲ್ಲ ಎಂಬ ಕಾರಣದಿಂದ 1960ರ ದಶಕದಲ್ಲಿ ಹೇಮಾವತಿ ನದಿಗೆ ಮತ್ತೊಂದು ಸೇತುವೆ ನಿರ್ಮಾಣ ಮಾಡಿದ ಪರಿಣಾಮ ಅರ್ಧ ಶತಮಾನದಿಂದ ಸೇತುವೆ ನಿರುಪಯುಕ್ತವಾಗಿದೆ.

ಹಾಗೆಯೇ, ಪಾದಚಾರಿ ಮಾರ್ಗದುದ್ದಕ್ಕೂ ಬೀದಿದೀಪ ಅಳವಡಿಸಿದ್ದರಿಂದ ರಾತ್ರಿ ವೇಳೆಯೂ ನಿರ್ಭಯವಾಗಿ ಸಂಚರಿಸಬಹುದಾಗಿತ್ತು. ಆದರೆ, ಇತ್ತೀಚಿನ ವರ್ಷಗಳಲ್ಲಿ ಪಾದಚಾರಿ ಮಾರ್ಗದ ನಿರ್ವಹಣೆಯನ್ನು ಪುರಸಭೆ ಮರೆತಿರುವ ಕಾರಣ ರಸ್ತೆಯ ಎರಡೂ ಬದಿಯಲ್ಲಿ ಗಿಡಗಂಟಿ ಬೆಳೆದಿವೆ. ಈ ರಸ್ತೆ ಬಯಲು ಶೌಚಗೃಹವಾಗಿದೆ. ಬೀದಿದೀಪಗಳು ನಂದಿ ಹಲವು ವರ್ಷಗಳೇ ಕಳೆದಿದ್ದು, ಸರಿಪಡಿಸುವ ಗೋಜಿಗೆ ಪುರಸಭೆ ಮುಂದಾಗಿಲ್ಲ. ಇದರಿಂದಾಗಿ ಲಕ್ಷಾಂತರ ರೂ. ವೆಚ್ಚ ಮಾಡಿ ನಿರ್ಮಿಸಿದ್ದ ಪಾದಚಾರಿ ರಸ್ತೆ ಸದ್ಯ ಉಪಯೋಗಕ್ಕೆ ಬಾರದಂತಾಗಿದೆ.