ಬಾಯಲ್ಲಿ ನೀರೂರಿಸಿದ ಖಾದ್ಯಗಳು

ಕಾಲೇಜಿನ ಪ್ರಥಮ ಮತ್ತು ದ್ವಿತೀಯ ಪಿಯು ವಿದ್ಯಾರ್ಥಿಗಳು ತಾವೇ ತಯಾರಿಸಿದ ಬಗೆಬಗೆಯ ಆಹಾರ ಖಾದ್ಯ, ಪಾನಿಪುರಿ, ಗೋಬಿ, ಸಿಹಿ ತಿನಿಸುಗಳು, ರುಚಿಕರ ಆಹಾರಗಳು, ಹಣ್ಣಿನ ರಸ, ತಂಪು ಪಾನಿಯಗಳು ಜನರನ್ನು ಸೆಳೆದವು. ಎಲ್ಲ ಆಹಾರ ಖಾದ್ಯಗಳ ವ್ಯಾಪಾರ ವಿದ್ಯಾರ್ಥಿಗಳು ಚುರುಕಾಗಿ ನಡೆಸಿದ್ದು ಕಂಡುಬಂತು. ಇಷ್ಟಲ್ಲದೆ ಸಾಲ ಕೇಳಿ ಸ್ನೇಹ ಕಳೆದುಕೊಳ್ಳಬೇಡಿ ಎನ್ನುವ ಭಿತ್ತಿಪತ್ರಗಳನ್ನು ಅಳವಡಿಸಿಕೊಂಡು ವ್ಯಾಪಾರ ನಡೆಸಿದರು.

ಕಾಲೇಜು ಅಭಿವೃದ್ಧಿ ಸಮಿತಿ ಉಪಾಧ್ಯಕ್ಷ ಮಂಜು ಶೆಟ್ಟಿಗೌಡ ಆಹಾರ ಮೇಳಕ್ಕೆ ಚಾಲನೆ ನೀಡಿದರು. ಪ್ರಾಂಶುಪಾಲ ಅನಂತರಾಜು ಮತ್ತು ಉಪನ್ಯಾಸಕರು ಇದ್ದರು. ಉಪನ್ಯಾಸಕರು ವಿದ್ಯಾರ್ಥಿಗಳ ಕೌಶಲವನ್ನು ಹುರಿದುಂಬಿಸಿದರು.