ರೈತರ ಜೀವನೋಪಾಯಕ್ಕೆ ಹೈನುಗಾರಿಕೆ ಆಸರೆ

ಪಟ್ಟಣಕ್ಕೆ ಹೊಂದಿಕೊಂಡಿರುವ ನಾಗಸಮುದ್ರ ಗ್ರಾಮದಲ್ಲಿ ಹಾಲು ಉತ್ಪಾದಕರ ಮಹಿಳಾ ಸಹಕಾರ ಸಂಘದಿಂದ 100 ಮಂದಿ ಹಾಲು ಉತ್ಪಾದಕರಿಗೆ ಎರಡು ಲಕ್ಷ ರೂ. ವೆಚ್ಚದಲ್ಲಿ ಹಾಲು ಸಂಗ್ರಹಣೆಯ ಕ್ಯಾನ್ ವಿತತರಣೆ ಮಾಡಿ ಮಾತನಾಡಿ, ಗ್ರಾಮದಲ್ಲಿ ಪ್ರತಿ ನಿತ್ಯವೂ 1,400 ಲೀ. ಹಾಲು ಸಂಗ್ರಹವಾಗುತ್ತಿದೆ. ಈ ಮೂಲಕ ಗ್ರಾಮಸ್ಥರ ಉತ್ತಮ ಜೀವನಕ್ಕೆ ಕಾರಣವಾಗಿದೆ. ಆರಂಭದಲ್ಲಿ ಇಲ್ಲಿ ಹಾಲು ಉತ್ಪಾದಕರ ಸಹಕಾರ ಸಂಘ ಪ್ರಾರಂಭಿಸುವಾಗ ಪಟ್ಟಣಕ್ಕೆ ಹತ್ತಿರವಿದ್ದ ಗ್ರಾಮವಾದ್ದರಿಂದ ಹಾಲು ಸಂಗ್ರಹವಾಗುವ ಅನುಮಾನ ಇತ್ತು. ಇದನ್ನು ಸುಳ್ಳು ಮಾಡಿ ಗ್ರಾಮಸ್ಥರು ಹೆಚ್ಚಿನ ಹಾಲು ಉತ್ಪಾದಿಸಿದ್ದು, ತಿಂಗಳಿಗೆ 12 ಲಕ್ಷ ರೂ.ಗಳಷ್ಟು ಹಣ ಅವರ ಕೈಸೇರುತ್ತಿದೆ. ಇದರೊಂದಿಗೆ ಉತ್ಪಾದಕರ ಸಂಘದಲ್ಲಿ 13 ಲಕ್ಷ ರೂ.ಗಳಷ್ಟು ಉಳಿತಾಯ ಮಾಡಿರುವುದು ಶ್ಲಾಘನೀಯ ಎಂದರು.

ಹಾಸನ ಜಿಲ್ಲಾ ಹಾಲು ಒಕ್ಕೂಟ ರಾಜ್ಯದಲ್ಲಿ ಎರಡನೇ ಒಕ್ಕೂಟವಾಗಿ ಹೊರಹೊಮ್ಮಿದೆ. ಈ ಒಕ್ಕೂಟದಲ್ಲಿ ಸಾಕಷ್ಟು ಹಾಲಿನ ಉತ್ಪನ್ನಗಳನ್ನು ತಯಾರಿಸುವ ಮೂಲಕ ಹೈನುಗಾರರಿಗೆ ಸಾಕಷ್ಟು ಅನುಕೂಲ ಕಲ್ಪಿಸುತ್ತಿರುವುದಲ್ಲದೆ ರಾಜ್ಯದಲ್ಲಿ ದೊಡ್ಡ ಮಾರುಕಟ್ಟೆಯನ್ನು ಸ್ಥಾಪಿಸಲಾಗಿದೆ ಎಂದರು.

ಗ್ರಾಮ ಪಂಚಾಯಿತಿ ಸದಸ್ಯೆ ನೇತ್ರಾವತಿ ಪುಟ್ಟರಾಜು, ನಾಗಸಮುದ್ರ ಹಾಲು ಉತ್ಪಾದಕರ ಮಹಿಳಾ ಸಹಕಾರ ಸಂಘದ ಅಧ್ಯಕ್ಷೆ ಸುಧಾಕುಮಾರ್, ಕಾರ್ಯದರ್ಶಿ ಶಾಂಭವಿ ಚಿಕ್ಕೇಗೌಡ, ನಿರ್ದೇಶಕಿಯರಾದ ಸುಮಿತ್ರಾ, ಪ್ರೇಮಾ, ನಾಗಮಣಿ, ಭಾರತಿ, ಮಂಜಮ್ಮ, ಮಂಜುಳಾ, ಸುಧಾ, ಗೀತಾ, ಅವ್ವಯ್ಯಮ್ಮ, ಮಹಾಲಕ್ಷ್ಮೀ, ಜಯಮ್ಮ, ಮೇಲ್ವಿಚಾರಕ ಯೋಗೇಶ್, ಟಿಎಪಿಸಿಎಂಎಸ್ ನಿರ್ದೇಶಕರಾದ ಅನಿಲ್‌ಕುಮಾರ್, ಜಗದೀಶ್, ಉಮೇಶ್, ಆರೋಗ್ಯ ರಕ್ಷಾ ಸಮಿತಿ ಸದಸ್ಯ ಬಾಲು, ಮುಖಂಡರಾದ ಜಯಕುಮಾರ್, ಪುಟ್ಟರಾಜು, ರವಿ, ದೇವರಾಜು, ಕುಮಾರ್, ಸೋಮೇಶ್, ಶಿವಕುಮಾರ್, ಶ್ರೀಧರ್, ಹರೀಶ್, ಮಧು ಇತರರು ಇದ್ದರು.