ಸೂಪರ್ ಭಗವ ತಳಿಯ ದಾಳಿಂಬೆ ಹಣ್ಣಿಗೆ ನೆರೆಯ ಬಾಂಗ್ಲಾದೇಶದಲ್ಲಿ ಭಾರಿ ಬೇಡಿಕೆಯಿದ್ದು, ಖರೀದಿದಾರರು ತೋಟಗಳಿಗೆ ದೌಡಾಯಿಸಿ ವ್ಯಾಪಾರ ಕುದುರಿಸಿಕೊಳ್ಳುವ ಕಾಯಕ ಮುಂದುವರಿಸಿದ್ದು ಮಾರಾಟದ ಗೊಂದಲ ದೂರವಾಗಿದೆ. ಚನ್ನೈ, ಬೆಂಗಳೂರು, ತಮಿಳುನಾಡು, ಮುಂಬೈ, ಪುಣೆ, ಮಂಗಳೂರು ಸೇರಿದಂತೆ ರಾಜ್ಯ ಹೊರರಾಜ್ಯಗಳಿಗೂ ದಾಳಿಂಬೆ ಕಳುಹಿಸಿಕೊಡಲಾಗುತ್ತಿದೆ. ಬೆಳೆಗಾರನಿಗೆ ದುಬಾರಿ ವೆಚ್ಚ ತಗುಲಿದರೂ ಅಗತ್ಯ ಮುನ್ನೆಚ್ಚೆರಿಕೆ ಕ್ರಮ ಕೈಗೊಂಡಲ್ಲಿ ಲಾಭ ನಿಶ್ಚಿತ. ತೆಂಗು, ಅಡಕೆ ಜತೆಗೆ ದಾಳಿಂಬೆ ಪ್ರಮುಖ ವಾಣಿಜ್ಯ ಬೆಳೆ. ಇದಲ್ಲದೆ ಒಂದು ಎಕರೆಯಲ್ಲಿ ಗುಲಾಬಿ ಬೆಳೆಯಲಾಗುತ್ತಿದ್ದು, ಇದಕ್ಕೆ ಸ್ಥಳೀಯವಾಗಿಯೇ ಮಾರುಕಟ್ಟೆ ಕಂಡುಕೊಂಡಿದ್ದಾರೆ.
