ನಗರ ನೈರ್ಮಲ್ಯಕ್ಕೆ ಮೊದಲ ಆದ್ಯತೆ ನೀಡಿ

ನಗರಸಭೆ ಕಚೇರಿಗೆ ಹೊಂದಿಕೊಂಡಂತಿರುವ ಇಂಜಿನಿಯರಿಂಗ್ ವಿಭಾಗದ ಕೊಠಡಿಯಲ್ಲಿ ಸೋಮವಾರ ಮಾಂಸದ ಅಂಗಡಿ ಮಾಲೀಕರ ಸಭೆ ನಡೆಸಿ ಅವರು ಮಾತನಾಡಿದರು. ದುಡಿಮೆಗೆ ಎಷ್ಟು ಮಹತ್ವ ನೀಡುತ್ತೀರಿ ಅದೇ ರೀತಿಯಲ್ಲಿ ಸ್ವಚ್ಛತೆ ಕಾಪಾಡಲು ಕಾಳಜಿ ವಹಿಸಬೇಕು. ಕೋಳಿ, ಕುರಿ ತ್ಯಾಜ್ಯವನ್ನು ಮನಬಂದಂತೆ ಸುರಿಯುವುದರಿಂದ ರೋಗ-ರುಜಿನಗಳು ಜನರನ್ನು ಕಾಡುತ್ತವೆ ಎಂಬುದನ್ನು ಮಾಲೀಕರು ಮರೆಯಬಾರದು. ನಗರಸಭೆ ವತಿಯಿಂದ ಆಟೋ, ಟಿಪ್ಪರ್ ನಿಗದಿ ಮಾಡಲಾಗಿದೆ. ಕಸ ವಿಲೇವಾರಿ ವಾಹನ ಬಂದ ಕೂಡಲೇ ಸಬೂಬು ಹೇಳದೆ ಸಿಬ್ಬಂದಿಗೆ ಸಹಕಾರ ನೀಡಬೇಕು. ನಿಯಮ ಉಲ್ಲಂಘಿಸುವವರ ವಿರುದ್ಧ ದೂರುಗಳು ಕೇಳಿ ಬಂದಲ್ಲಿ ನಿರ್ದಾಕ್ಷಿಣ್ಯ ಕ್ರಮ ಜರುಗಿಸಲು ಹಿಂದೇಟು ಹಾಕುವುದಿಲ್ಲ. ಸ್ವಚ್ಛತೆ ಜತೆಗೆ ನಾಗರಿಕರ ಆರೋಗ್ಯ ರಕ್ಷಣೆ ಎಲ್ಲರ ಹೊಣೆಗಾರಿಕೆಯಾಗಿದ್ದು ರಾಜಿ ಮಾಡಿಕೊಳ್ಳುವ ಪ್ರಶ್ನೆಯೇ ಇಲ್ಲ ಎಂದು ಎಚ್ಚರಿಕೆ ನೀಡಿದರು.

ಪರಿಸರ ಇಂಜಿನಿಯರ್ ರವಿಕುಮಾರ್ ಮಾತನಾಡಿ, ಜನಪರ ಕಾಳಜಿ ಅರಿತು ನಗರದ ನೈರ್ಮಲ್ಯ ಕಾಪಾಡಲು ಪ್ರಾಮಾಣಿಕ ಪ್ರಯತ್ನ ಮಾಡಲಾಗುತ್ತಿದೆ. ಕಸ ಸಂಗ್ರಹಿಸಲು ಬರುವ ಸಿಬ್ಬಂದಿಗೆ ನೀಡುವ ವೇತನ, ಡೀಸೆಲ್ ಸೇರಿದಂತೆ ಖರ್ಚು, ವೆಚ್ಚ ದುಬಾರಿಯಾಗಿದೆ.ನಿಮ್ಮೆಲ್ಲರ ಹೊಂದಾಣಿಕೆ ಹಾಗೂ ಸಹಕಾರ ಅಗತ್ಯವಿದ್ದು ಜವಾಬ್ದಾರಿಯಿಂದ ನುಣುಚಿಕೊಳ್ಳಬಾರದು ಎಂದು ಹೇಳಿದರು.

ಆರೋಗ್ಯ ನಿರೀಕ್ಷಕ ಲಿಂಗರಾಜು ಇದ್ದರು. ಸಕಾಲಕ್ಕೆ ಕಸ ವಿಲೇವಾರಿ ವಾಹನ ಕಳುಹಿಸುವಂತೆ ಸಭೆಯಲ್ಲಿ ಪಾಲ್ಗೊಂಡಿದ್ದ ಕೋಳಿ ಅಂಗಡಿ ಮಾಲೀಕ ಆನಂದ ಒಳಗೊಂಡಂತೆ ಇತರರು ಮನವಿ ಮಾಡಿದರು.