ರಕ್ತದಾನ ಜೀವ ಉಳಿಸುವ ಮಾನವೀಯ ಸೇವೆ

ಅರೇಹಳ್ಳಿ ರೋಟರಿ ಸಂಸ್ಥೆ ಅಧ್ಯಕ್ಷ ಮಹಂತ್ ನಾರ್ವೆ ಮಾತನಾಡಿ, ರಕ್ತದಾನ ಕಷ್ಟದ ಸಂದರ್ಭ ಇತರರ ಜೀವ ಉಳಿಸುವ ಮಹತ್ವದ ಮಾನವೀಯ ಸೇವೆಯಾಗಿದೆ. ನಾವು ನೀಡುವ ಒಂದು ಯೂನಿಟ್ ರಕ್ತವು ಒಂದು ಕುಟುಂಬದ ಸುಖ-ಸಂತೋಷಕ್ಕೆ ಕಾರಣವಾಗುತ್ತದೆ. ಸ್ವಾರ್ಥಕ್ಕಿಂತ ಸೇವೆಯೇ ಮುಖ್ಯ ಎನ್ನುವಂತೆ ರೋಟರಿ ಸಂಸ್ಥೆ ರಕ್ತದಾನದ ಮಹತ್ವ ತಿಳಿಸುವಂತಹ ಶಿಬಿರವನ್ನು ಆಯೋಜಿಸಿದೆ ಎಂದರು.

ಮಕ್ಕಳ ತಜ್ಞೆ ಡಾ.ಅನುಪಮಾ ಮಾತನಾಡಿ, ಆರೋಗ್ಯವಂತ 18 ರಿಂದ 60 ವರ್ಷದೊಳಗಿನ ವ್ಯಕ್ತಿಗಳು ರಕ್ತದಾನ ಮಾಡಬಹುದು. ರಕ್ತದಾನ ಮಾಡಿದರೆ ದೇಹದಲ್ಲಿ ರಕ್ತ ಕಡಿಮೆಯಾಗುತ್ತದೆ ಎಂಬ ಅಪನಂಬಿಕೆ ಇದೆ. ಇದು ಸತ್ಯಕ್ಕೆ ದೂರವಾದ ಸಂಗತಿ. ಪುರುಷರು 90 ದಿನಗಳಿಗೊಮ್ಮೆ ಹಾಗೂ ಮಹಿಳೆಯರು 120 ದಿನಗಳಿಗೊಮ್ಮೆ ರಕ್ತದಾನ ಮಾಡಬಹುದು ಎಂದರು.

ರೋಟರಿ ಸಂಸ್ಥೆ ಕಾರ್ಯದರ್ಶಿ ಎಂ.ಎಸ್.ವಿಜಯ್, ಸಂಸ್ಥೆಯ ವೈ.ಡಿ.ಮಲ್ಲೇಶ್, ಭರತ್, ಕಾಫಿ ಬೆಳೆಗಾರರ ಸಂಘದ ಅಧ್ಯಕ್ಷ ಶಾರೀಫ್ ಫರ್ಹಾನ್, ಸ್ತ್ರೀರೋಗ ತಜ್ಞೆ ಡಾ.ಆಯೇಷಾ, ರೆಡ್‌ಕ್ರಾಸ್ ಸಂಸ್ಥೆ ಅಧ್ಯಕ್ಷ ವೈ.ಎಸ್.ಸಿದ್ದೇಗೌಡ, ಕಾರ್ಯದರ್ಶಿ ಧನಂಜಯ ಇತರರಿದ್ದರು. ಶಿಬಿರದಲ್ಲಿ 21 ಯೂನಿಟ್ ರಕ್ತ ಸಂಗ್ರಹವಾಯಿತು.