ಪಠ್ಯೇತರ ಚಟುವಟಿಕೆಯಲ್ಲಿ ತೊಡಗಿಸಿರುವುದು ಶ್ಲಾಘನೀಯ

ಕಾರ್ಯಕ್ರಮ ಉದ್ಘಾಟಿಸಿದ ಇಸ್ರೋ ವಿಜ್ಞಾನಿ ಮಿಸ್ ಪ್ರಾಪ್ತಿ ಮೆತ್ತಲ್ ಮಾತನಾಡಿ, ಸುಮಾರು ವರ್ಷದಿಂದ ಹೆಸರು ಪಡೆದಿರುವ ಸೆಂಟ್ ಮೇರಿಸ್ ಆಂಗ್ಲ ಶಾಲೆಯು ಈ ವರ್ಷದ ವಾರ್ಷಿಕ ಮನರಂಜನಾ ಕಾರ್ಯಕ್ರಮ ಹಮ್ಮಿಕೊಂಡು, ಪಠ್ಯೇತರ ಚಟುವಟಿಕೆಯಲ್ಲೂ ್ಲಪುಟ್ಟಪುಟ್ಟ ಮಕ್ಕಳನ್ನು ತೊಡಗಿಸಿರುವುದು ಶ್ಲಾಘನೀಯ ಎಂದರು.

ಕ್ಷೇತ್ರ ಶಿಕ್ಷಣಾಧಿಕಾರಿ ಮೋಹನ್‌ಕುಮಾರ್ ಮಾತನಾಡಿ, ಈ ಶಾಲೆಯಲ್ಲಿ ಬಹುಮುಖ್ಯವಾಗಿ ವಿದ್ಯಾಭ್ಯಾಸದ ಜತೆಗೆ ಮಕ್ಕಳಲ್ಲಿ ಶಿಸ್ತು ಹೇಳಿಕೊಡುತ್ತಾರೆ. ಇದು ಒಳ್ಳೆಯ ವಾತಾವರಣವಾಗಿದ್ದು ಪಾಲಕರು ಮಕ್ಕಳಿಗೆ ಹೆಚ್ಚು ಒತ್ತಡ ನೀಡಬಾರದು. ಹತ್ತು ಹನ್ನೆರಡು ವರ್ಷದವರೆಗೆ ಮನೆಯಲ್ಲಿ ಮಕ್ಕಳು ಹಾಡುತ್ತ, ನಲಿಯುತ್ತ ಕಲಿಯುವ ರೀತಿ ಶಾಲೆಯಲ್ಲೂ ಪರಿಸ್ಥಿತಿ ನಿರ್ಮಾಣ ಮಾಡಬೇಕು. ಈ ಶಾಲೆ ಒಳ್ಳೆಯ ವಿದ್ಯಾಭ್ಯಾಸ ಹಾಗೂ ಶಿಸ್ತನ್ನು ಕೊಡುತ್ತಿದೆ ಎಂದು ಪ್ರಶಂಸೆ ವ್ಯಕ್ತಪಡಿಸಿದರು.

ಫಾದರ್ ಡೇವಿಡ್ ಅತೂಣಪ್ಪ ಮಾತನಾಡಿ, ಮದರ್ ತೆರೇಸಾ ಒಬ್ಬ ಹಿಂದು ಸಹೋದರನಿಗೆ ಪ್ರಶ್ನೆ ಮಾಡುತ್ತಾರೆ. ನಿನ್ನ ಮಕ್ಕಳಿಗೆ ಊಟ ಕೊಡುವ ಬದಲು ಎಲ್ಲಿ ಹೋಗುತ್ತಿದ್ದೀಯಾ? ಎಂದು ಕೇಳಿದಾಗ ಸಹೋದರ ಹೇಳುತ್ತಾರೆ ಪಕ್ಕದಲ್ಲಿ ಮುಸ್ಲಿಂ ಸಹೋದರಿಯ ಮನೆಯಲ್ಲಿ ಅವರ ಮಕ್ಕಳು ಊಟ ಮಾಡಿರಲಿಲ್ಲ. ಅವರಿಗೆ ಊಟ ಕೊಡಲು ಹೋಗಿದ್ದೆ ಎಂದು ಹೇಳುತ್ತಾರೆ. ಆಗ ಮದರ್ ತೆರೇಸಾ ಅವರು ಹೇಳಿದ್ದಾರೆ. ಕ್ರಿಸ್ಮಸ್ ಹಬ್ಬವೆಂದರೆ ಭಾವೈಕ್ಯತೆ ಮಾನವೀಯತೆಯ ಸಂಕೇತ ಎಂದು ಹೇಳಿ ಕ್ರಿಸ್ಮಸ್ ಹಬ್ಬದ ಶುಭ ಕೋರಿದರು.

ಕಾರ್ಯಕ್ರಮದಲ್ಲಿ ಬೆಂಗಳೂರಿನ ಖಾಸಗಿ ಸಂಸ್ಥೆ ಅಧಿಕಾರಿ ಬಿ.ಎಸ್.ಸಹನಾ, ಫಾದರ್ ಅಂತೋಣಪ್ಪ, ಕೆ.ಸಿ.ಯೋಗೇಶ್, ಸೀನಿಯರ್ ಸಿಸ್ಟರ್ ಟೀನಾ. ಶಿಕ್ಷಕರು ಹಾಗೂ ಪಾಲಕರು ಉಪಸ್ಥಿತರಿದ್ದರು.