ಅರ್ಚಕರ ಕುಂದುಕೊರತೆ ಪರಿಹಾರಕ್ಕೆ ಮನವಿ

ಹಾಸನ ಜಿಲ್ಲಾ ಮುಜರಾಯಿ ದೇವಾಲಯಗಳ ಅರ್ಚಕ ಸಂಘದ ಅಧ್ಯಕ್ಷ ಸೋಮಶೇಖರ್ ಮಾತನಾಡಿ, ರಾಜ್ಯದಲ್ಲಿ ಸುಮಾರು 35,000 ದೇಗುಲಗಳು ಮುಜರಾಯಿ ಇಲಾಖೆ ವ್ಯಾಪ್ತಿಗೆ ಸೇರಿದ ಸಿ ವರ್ಗದ ದೇವಾಲಯಗಳು ಇದ್ದು ದೇವಾಲಯಗಳಿಗೆ ವಾರ್ಷಿಕ ತಸ್ತಿಕ್ ಹಣ ಬಹಳ ಕಡಿಮೆ ಇದೆ. ಮಾಸಿಕ 10 ಸಾವಿರ ರೂ. ಹೆಚ್ಚಿಗೆ ಮಾಡಿಸಿಕೊಡಲು ಮುಖ್ಯಮಂತ್ರಿ ಅವರ ಗಮನಕ್ಕೆ ತಂದು ತಸ್ತಿಕ್ ಹಣ ಹೆಚ್ಚಿಗೆ ಮಾಡಿಸಿ ಕೊಡುವಂತೆ ಗುರುಗಳಿಗೆ ಮನವಿ ಮಾಡಿದರು.

ಅಖಿಲ ಕರ್ನಾಟಕ ಹಿಂದೂ ದೇವಾಲಯಗಳ ಅರ್ಚಕರ ಆಗಮಿಕರ ಉಪಾದಿವಂತರ ಒಕ್ಕೂಟದ ಹಾಸನ ಜಿಲ್ಲಾ ಅಧ್ಯಕ್ಷ ಹಾರನಹಳ್ಳಿ ನಾಗೇಂದ್ರ, ಚನ್ನರಾಯಪಟ್ಟಣ ಅರ್ಚಕ ಸಂಘದ ಶ್ರೀಧರ್‌ಮೂರ್ತಿ, ಆರಾಧ್ಯ, ಬೆಟ್ಟದಪುರ ಸತ್ಯನಾರಾಯಣ, ಹಾಸನ ಜಿಲ್ಲೆಯ ವಿವಿಧ ದೇವಾಲಯಗಳ ಅರ್ಚಕರು ನಿಯೋಗದಲ್ಲಿ ಇದ್ದರು.