ಹಾಸನದಲ್ಲಿ ವರ್ಷ ತೊಡಕು ಹಿನ್ನೆಲೆ ಮಾಂಸ ಖರೀದಿಗೆ ಸಾಲಿನಲ್ಲಿ ನಿಂತ ಸಾವಿರಾರು ಜನರು

ಹಾಸನ: ಲಾಕ್ ಡೌನ್ ನಡುವೆಯೂ ವರ್ಷ ತೊಡಕಿನ ಹಿನ್ನೆಲೆಯಲ್ಲಿ ನಗರದಲ್ಲಿ ಮಾಂಸ ಮಾರಾಟಕ್ಕೆ ಜಿಲ್ಲಾಡಳಿತ ಅರ್ಧ ದಿನದ ಅವಕಾಶ ನೀಡಿದ್ದು ಮಟನ್ ಖರೀದಿಗೆ ಸಾವಿರಾರು ಜನರು ಸಾಲಾಗಿ ನಿಂತಿದ್ದಾರೆ.

ನಗರದ ಮಟನ್ ಮಾರ್ಕೆಟ್ ನಲ್ಲಿ ಮಾಂಸ ಖರೀದಿಗೆ ಬಂದ ಜನರನ್ನು ಮೂರು ಅಡಿ ಅಂತರ ಕಾಯ್ದುಕೊಳ್ಳಲು ಸೂಚಿಸಿ ಸಾಲಿನಲ್ಲಿ ನಿಲ್ಲಿಸಿದ್ದು, ಸುಮಾರು ೨ ಸಾವಿರ ಜನರು ಮಟನ್ ಖರೀದಿಗಾಗಿ ಕಾದು ನಿಂತರು.

ಇದರಿಂದ ಮಟನ್ ಮಾರ್ಕೆಟ್ ನಿಂದ ಬಿಎಂ ರಸ್ತೆವರೆಗೂ ಸಾಲು ಬೆಳೆದಿದ್ದು ಮಧ್ಯಾಹ್ನ ಒಂದು ಗಂಟೆವರೆಗೆ ವ್ಯವಹಾರ ಮುಗಿಸುವುದು ಕಷ್ಟಸಾಧ್ಯ ಎನ್ನುವ ಪರಿಸ್ಥಿತಿ ಇದೆ.

ಜಿಲ್ಲಾಡಳಿತ ಕುರಿ, ಆಡು ಮಾಂಸ ಮಾರಾಟಕ್ಕೆ ಮಧ್ಯಾಹ್ನ ೧ ಗಂಟೆವರೆಗೆ ಅವಕಾಶ ನೀಡಿದ್ದು, ಮಾಂಸ ಖರೀದಿಗೆ ಬರುವವರ ಸಂಖ್ಯೆ ಹೆಚ್ಚಳವಾಗುವ ನಿರೀಕ್ಷೆ ಇದೆ.