ನಿರಂತರ ಕೊಲೆ ಸಂಭವಿಸಿದ್ದರಿಂದ ಸಾಕಷ್ಟು ಜನರು ಅವರಿಗೆ ಕರೆ ಮಾಡಿದ್ದರು. ಜುಲೈ 30 ರಿಂದ ಅವರ ಮೊಬೈಲ್ಗೆ ಸಾಕಷ್ಟು ಕರೆಗಳು ಬಂದಿವೆ. ಪೊಲೀಸ್ ಇಲಾಖೆಯ ಮೇಲಧಿಕಾರಿಗಳೆಂದರೆ ನಾನು ಒಂದು ಬಾರಿ ಕರೆ ಮಾಡಿದ್ದೆ. ಉಳಿದಂತೆ ಪತ್ರಕರ್ತರು, ಸ್ನೇಹಿತರು, ಪತ್ನಿ ಹಾಗೂ ರಾಜಕೀಯ ಹಿನ್ನೆಲೆಯ ವ್ಯಕ್ತಿಗಳು ಅವರನ್ನು ಸಂಪರ್ಕಿಸಿದ್ದಾರೆ. ಚನ್ನರಾಯಪಟ್ಟಣದಲ್ಲಿ ಇಷ್ಟೊಂದು ಅಪರಾಧ ಕೃತ್ಯಗಳು ನಡೆಯುತ್ತಿದೆಯಲ್ಲ ಎಂಬುದರ ಕುರಿತಾಗಿ ಬಹುತೇಕರು ಮಾತನಾಡಿದ್ದಾರೆ. ಇದರಿಂದ ಬೇಜಾರಾಗಿ ಅವರು ದುಡುಕಿನ ನಿರ್ಧಾರ ಕೈಗೊಂಡಿದ್ದಾರೆ. ಸಲ್ಲಿಕೆಯಾಗಿರುವ ವರದಿಯನ್ನು ಸಂಪೂರ್ಣವಾಗಿ ಅಭ್ಯಸಿಸಿ ವಿವರಿಸುತ್ತೇನೆ. ಯಾವುದೇ ವಿಳಂಬವಿಲ್ಲದೆ ತನಿಖೆ ಪೂರ್ಣಗೊಂಡಿದೆ ಎಂದರು.
