ಆಟೋ ಚಾಲಕರಿಗೆ ಪಡಿತರ ಕಿಟ್

ಹರಿಹರ: ರಾಷ್ಟ್ರೀಯ ಸ್ವಯಂ ಸೇವಕ ಸಂಘ, ರಾಷ್ಟ್ರ ಸೇವಿಕಾ ಸಮಿತಿ ಇಲ್ಲಿನ ಗಾಂಧಿ ನಗರದಲ್ಲಿ ಶನಿವಾರ ಗುತ್ತೂರು ಆಟೋ ನಿಲ್ದಾಣದ 60 ಆಟೋ ಚಾಲಕರಿಗೆ ಪಡಿತರ ಕಿಟ್ ವಿತರಿಸಿತು.

ಹಿರಿಯ ವೈದ್ಯ ಡಾ.ಆರ್.ಆರ್.ಖಮಿತ್ಕರ್ ಮಾತನಾಡಿ, ಕರೊನಾ ಲಾಕ್‌ಡೌನ್‌ನಿಂದ ಉಂಟಾದ ಸಂಕಷ್ಟಗಳನ್ನು ಸರ್ಕಾರ ಒಂದೇ ಪರಿಹರಿಸಲು ಸಾಧ್ಯವಿಲ್ಲ. ಸಂಘ, ಸಂಸ್ಥೆಗಳು, ಶ್ರೀಮಂತರು, ದಾನಿಗಳು ಸಂತ್ರಸ್ತರಿಗೆ ನೆರವಾಗಬೇಕು ಎಂದರು.

ರಾಮಕೃಷ್ಣ ವಿವೇಕಾನಂದ ಆಶ್ರಮದ ಅಧ್ಯಕ್ಷ ಶ್ರೀ ಶಾರದೇಶಾನಂದ ಸ್ವಾಮೀಜಿ ಕಿಟ್ ವಿತರಣೆಗೆ ಚಾಲನೆ ನೀಡಿದರು.

ಆರ್‌ಎಸ್‌ಎಸ್ ಜಿಲ್ಲಾ ಪ್ರಚಾರಕ ಗುರುದತ್, ರಾಷ್ಟ್ರ ಸೇವಿಕಾ ಸಮಿತಿ ಸಂಚಾಲಕಿ ಸುಮನ್ ಖಮಿತ್ಕರ್, ಯೋಗಪಟು ಡಾ.ಕೆ.ಜೈಮುನಿ, ಶೀತಲ್ ಲದ್ವಾ, ಮೀನಾ ಭೂತೆ ಇತರರಿದ್ದರು.