ಗುರುವಾರ ಸುದ್ದಿಗೋಷ್ಠಿಯಲ್ಲಿ ಮಾತಣಾಡಿದ ಅವರು, ಯಾವುದೇ ತಯಾರಿ ನಡೆಸದೇ, ತರಬೇತಿ ನೀಡದೆ, ಸಿಬ್ಬಂದಿ ನೇಮಕ ಮಾಡದೆ ಸಮೀಕ್ಷೆ ಆರಂಭಿಸಲಾಗಿದೆ. ಸರ್ವರ್ ಸಮಸ್ಯೆ, ಜನರು ಒಟಿಪಿ ನೀಡಲು ಒಪ್ಪದಿ ರುವುದು, ಮಾಹಿತಿ ನೀಡಲು ನಿರಾಕರಣೆ ಸಹಿತ ವಿವಿಧ ಕಾರಣಗಳಿಂದ ಸಮೀಕ್ಷೆ ಗೊಂದಲವಾಗಿದೆ. ದಸರಾ ಸಂದರ್ಭ ಸಮೀಕ್ಷೆ ಹಮ್ಮಿಕೊಂಡಿರುವ ಕಾರಣ ಶಿಕ್ಷಕರಿಗೆ ರಜೆ ಇಲ್ಲದಾಗಿದೆ. ಜಿಲ್ಲೆಯ ಶಾಲೆಗಳಲ್ಲಿ ಶಾರದಾ ಪೂಜೆ ನಡೆಸಲು ಸಾಧ್ಯವಾಗಿಲ್ಲ. ಶಾಲೆಗಳಲ್ಲಿ ಶಾರದಾ ಪೂಜೆ ನಿಲ್ಲಿಸುವ ರಾಜ್ಯ ಸರಕಾರದ ಷಡ್ಯಂತ್ರದ ಭಾಗವವಾಗಿ ಶಿಕ್ಷಕರನ್ನು ಸಮೀಕ್ಷೆಗೆ ನಿಯೋಜಿಸಲಾಗಿದೆ. ಜಿಲ್ಲೆಯಲ್ಲಿ ಇಬ್ಬರು ಶಿಕ್ಷಣಾಧಿಕಾರಿಗಳನ್ನು ವರ್ಗಾವಣೆ ಮಾಡಲಾಗಿದೆ. ಶಿಕ್ಷಕರು ಕುಟುಂಬದ ಜತೆ ಹಬ್ಬ ಆಚರಣೆ, ಸಾಂಸ್ಕೃತಿಕ ಕಾರ್ಯಕ್ರಮಗಳಲ್ಲಿ ಭಾಗವಹಿಸಲು ಸಾಧ್ಯವಾಗಿಲ್ಲ ಎಂದರು.
