ಗ್ರಾಮದ ಸರ್ವೇ ನಂಬರ್ 405ರಲ್ಲಿನ 4.82 ಎಕರೆ ಜಮೀನಿನ ಪೈಕಿ 0.40 ಸೆಂಟ್ಸ್ ಸರ್ಕಾರಿ ಕೆರೆ ಜಾಗದಲ್ಲಿ ನಾಲ್ವರು ಮನೆ ನಿಮಿಸಿಕೊಂಡಿದ್ದರು. ಈ ಸಂಬಂಧ 2016ರಲ್ಲಿ ಕರ್ನಾಟಕ ಭೂ ಕಬಳಿಕೆ ನಿಷೇಧ ವಿಶೇಷ ನ್ಯಾಯಾಲಯದಲ್ಲಿ ಪ್ರಕರಣ ದಾಖಲಾಗಿದ್ದು, ವಿಚಾರಣೆ ಪ್ರಕ್ರಿಯೆಯಲ್ಲಿತ್ತು. 2024ರ ಫೆ.15 ರಂದು ಪ್ರಕರಣ ಇತ್ಯರ್ಥಗೊಂಡಿತ್ತು. ಈ ಹಿನ್ನೆಲೆಯಲ್ಲಿ ಕಾನೂನು ರೀತ್ಯಾ ಕ್ರಮವಹಿಸಿ ಕೆರೆ ಜಾಗವನ್ನು ಅತಿಕ್ರಮಿಸಿಕೊಂಡು ನಿರ್ಮಿಸಿದ್ದ ಮನೆಗಳನ್ನು ತೆರೆವುಗೊಳಿಸಿ ವರದಿ ಸಲ್ಲಿಸುವಂತೆ ನ್ಯಾಯಾಲಯ ಹನೂರು ತಹಸೀಲ್ದಾರ್ಗೆ ಸೂಚಿಸಿತ್ತು. ಮಂಗಳವಾರ ತಹಸೀಲ್ದಾರ್ ವೈ.ಕೆ ಗುರುಪ್ರಸಾದ್ ಅವರು ಬಿಗಿ ಪೊಲೀಸ್ ಬಂದೋಬಸ್ತ್ನಲ್ಲಿ ಮನೆಗಳನ್ನು ತೆರೆವುಗೊಳಿಸಿದರು.
