ಮಂಡ್ಯದ ವಿವಿಧ ಶಾಲೆ ಮತ್ತು ಕಾಲೇಜುಗಳ 17ರಿಂದ 19 ವರ್ಷದೊಳಗಿನ ಹಾಗೂ 19 ವರ್ಷ ಮೇಲ್ಪಟ್ಟ ಮಕ್ಕಳು ಟೂರ್ನಿಯಲ್ಲಿ ಭಾಗವಹಿಸಿ ಚಿನ್ನದ ಪದಕ ಪಡೆದುಕೊಂಡಿದ್ದಾರೆ. ಫೈನಲ್ ಪಂದ್ಯದಲ್ಲಿ ಕರ್ನಾಟಕದ ಬಾಲಕರು ರಾಜಸ್ಥಾನದ ವಿರುದ್ಧ 25-10 ಅಂಕಗಳಿಂದ ಹಾಗೂ ಬಾಲಕಿಯರು ಕೂಡ ರಾಜಸ್ಥಾನದ ಬಾಲಕಿಯರ ತಂಡದ ವಿರುದ್ಧ 12-2 ಅಂಕಗಳಿಂದ ಗೆಲುವು ಸಾಧಿಸಿದರು. ಜಿಲ್ಲೆಯಿಂದ 12 ಜನ ಬಾಲಕಿಯರು, 21 ಜನ ಬಾಲಕರು ಸೇರಿ ಒಟ್ಟು 33 ಜನ ಕ್ರೀಡಾಪಟುಗಳು ಕರ್ನಾಟಕವನ್ನು ಪ್ರತಿನಿಧಿಸಿದರು. ಮಂಡ್ಯದ ಪಿಇಎಸ್ ಸಂಸ್ಥೆಯಲ್ಲಿ ಕರ್ತವ್ಯ ನಿರ್ವಹಿಸುತ್ತಿರುವ ತರಬೇತುದಾರ ಡಾ.ಟಿ.ಕೆ.ರವಿ ಆವರು 2005ರಲ್ಲಿ ಸಂಜೀವಿನಿ ಸ್ಪೋರ್ಟ್ಸ್ ಹ್ಯಾಂಡ್ಬಾಲ್ ಕ್ಲಬ್ ಪ್ರಾರಂಭಿಸಿ ಆ ಮೂಲಕ ಜಿಲ್ಲೆಯ ಮಕ್ಕಳಿಗೆ ಉಚಿತವಾಗಿ ತರಬೇತಿ ನೀಡುತ್ತಿದ್ದಾರೆ. ಈ ಕ್ಲಬ್ನ ಕ್ರೀಡಾಪಟುಗಳು ರಾಜ್ಯ ಮತ್ತು ರಾಷ್ಟ್ರಮಟ್ಟದ ಕ್ರೀಡಾಕೂಟಗಳಲ್ಲಿ ಭಾಗವಹಿಸಿ ಪ್ರಥಮ ಬಹುಮಾನ ಪಡೆದುಕೊಂಡಿದ್ದಾರೆ.
