ಹಂಪಿಯ ಪಾವಿತ್ರ್ಯಕ್ಕಿಲ್ಲ ಧಕ್ಕೆ

* ಬೆರಳೆಣಿಕೆಯಷ್ಟು ಗಾಂಜಾ ಕೇಸ್, ವೇಶ್ಯಾವಾಟಿಕೆ ಇಲ್ಲವೇ ಇಲ್ಲ
* ಆಡಳಿತದ ಕಾರ್ಯವೈಖರಿಗೆ ಜನಾಕ್ರೋಶ

ವೀರೇಂದ್ರ ನಾಗಲದಿನ್ನಿ ಹೊಸಪೇಟೆ

ವಿಶ್ವಪಾರಂಪರಿಕ ತಾಣ ಹಂಪಿಯಲ್ಲಿ ಎಗ್ಗಿಲ್ಲದೇ ಅಕ್ರಮ, ಅನೈತಿಕ ಚಟುವಟಿಕೆಗಳು ನಡೆಯುತ್ತಿವೆ ಎಂಬ ಆಪಾದನೆಗಳ ಹಿನ್ನೆಲೆಯಲ್ಲಿ ಇಲ್ಲಿನ ಜನತಾ ಪ್ಲಾಟ್‌ನಲ್ಲಿ ಎಲ್ಲ ರೀತಿಯ ವಾಣಿಜ್ಯ ಚಟುಕವಟಿಗೆಳಿಗೆ ಬ್ರೇಕ್ ಹಾಕಲಾಗಿದೆ. ಅಚ್ಚರಿ ಎಂದರೆ ವೇಶ್ಯಾವಟಿಕೆಗೆ ಸಂಬAಧಿಸಿ ಕಳೆದೊಂದು ದಶಕದಲ್ಲಿ ಒಂದೇ ಒಂದು ಪ್ರಕರಣವಿಲ್ಲ.

ಪಂಪಾ ಕ್ಷೇತ್ರದ ಪಾವಿತ್ರತೆ ಧಕ್ಕೆಯಾಗುತ್ತದೆ ಎಂಬ ಮಾತು ದಶಕಗಳಿಂದ ಕೇಳಿ ಬರುತ್ತಿದೆ. ಹಂಪಿ ಪಾವಿತ್ರತೆಯನ್ನು ಕಾಪಾಡುವ ಉದ್ದೇಶದಿಂದ ದಶಕದ ಹಿಂದೆ ಜಗದ್ಗುರು ಕೊಟ್ಟೂರು ಸಂಗನಬಸವ ಸ್ವಾಮೀಜಿ ಹೋರಾಟದ ಹೆಜ್ಜೆ ಹಿಟ್ಟಿದ್ದರು. ಕೊಟ್ಟೂರು ಸ್ವಾಮಿ ಕಲ್ಯಾಣ ಕೇಂದ್ರದಿAದ ರಾಜ್ಯ ಉಚ್ಛ ನ್ಯಾಯಾಲಯದ ಮೊರೆ ಹೋಗಿದ್ದರು. ಪರಿಣಾಮ ಹಂಪಿಯಲ್ಲಿ ಪೊಲೀಸ್ ಕ್ರಮಗಳು ಬಿಗಿಯಾಗಿದ್ದು, ಸ್ಥಳೀಯರಲ್ಲೂ ಕಾನೂನು ಅರಿವು ಮೂಡಿಸಿದ್ದರಿಂದ ಅನೈತಿಕ ಚಟುವಟಿಕೆಗಳು ನಿರ್ಮೂಲನೆಗೊಂಡಿವೆ ಎನ್ನಲಾಗಿದೆ. ಆದರೂ, ಪಂಪಾ ಕ್ಷೇತ್ರದಲ್ಲಿ ಅಕ್ರಮ, ಅನೈತಿಕ ಚಟುವಟಿಕೆ ನಡೆಯುತ್ತವೆ ಎಂಬ ಆರೋಪ ಸಾರ್ವತ್ರಿಕವಾಗಿದೆ. ಈ ವಿಚಾರ ಇತ್ತೀಚೆಗೆ ವಿಧಾನಸಭೆ ಕಲಾಪದಲ್ಲಿ ಪ್ರತಿಧ್ವನಿಸಿತ್ತು.

ವೇಶ್ಯಾವಾಟಿಕೆ ಪ್ರಕರಣಗಳೇ ಇಲ್ಲ:

ವಿಶ್ವಪಾರಂಪರಿಕ ತಾಣ ಹಂಪಿಗೆ ವಿದೇಶಿ ಪ್ರವಾಸಿಗರು ಹೆಚ್ಚಿನ ಸಂಖ್ಯೆಯಲ್ಲಿ ಆಗಮಿಸುವುದರಿಂದ ವೇಶ್ಯಾವಾಟಿಕೆ ಮತ್ತು ಮಾದಕ ವಸ್ತುಗಳ ಅಕ್ರಮ ವ್ಯಾಪಾರ ನಡೆಯುತ್ತದೆ ಎಂದ ಅಪವಾದ ದಶಕಗಳಿಂದ ಇದ್ದೇ ಇದೆ. ಅದರೊಂದಿಗೆ ಹವಾಮಾ ವಿರುದ್ಧ ಕೋರ್ಟ್ನಲ್ಲಿ ದಾಖಲಾದ ನ್ಯಾಯಾಂಗ ನಿಂದನೆ ಅರ್ಜಿ ಹಿನ್ನೆಲೆಯಲ್ಲಿ ಹಂಪಿಯ ಜನತಾ ಪ್ಲಾಟ್‌ನಲ್ಲಿ ಎಲ್ಲ ರೀತಿಯ ವಾಣಿಜ್ಯ ಚಟುವಟಿಕೆಗಳಿಗೆ ತಡೆಯೊಡ್ಡಿದೆ. ಇದರಿಂದ ಸತ್ಯಾಂಶ ಅರಿಯಲು ಸ್ಥಳೀಯ ನಿವಾಸಿ ವಿರೂಪಾಕ್ಷಪ್ಪ ಎಂಬುವವರು ಹಂಪಿ ಪ್ರವಾಸಿ ಪೊಲೀಸ್ ಠಾಣೆಯಲ್ಲಿ ಆರ್‌ಟಿಐ ಅಡಿ ಮಾಹಿತಿ ಪಡೆದಿದ್ದು, ಅಚ್ಚರಿಯ ಅಂಶ ಬೆಳಕಿಗೆ ಬಂದಿವೆ.

ಇಲ್ಲಿನ ಜನತಾ ಪ್ಲಾಟ್ ನಿವಾಸಿಗಳ ಮೇಲೆ ಕಳೆದ ೨೦೧೦ ರಿಂದ ೨೦೨೩ರ ವರೆಗೆ ವೇಶ್ಯಾವಾಟಿಕೆ ಮತ್ತು ಗಾಂಜಾ, ಚರಸ್ಗೆ ಸಂಬAಧಿಸಿ ಎಷ್ಟು ಪ್ರಕರಣಗಳು ದಾಖಲಾಗಿವೆ ಎಂದು ಪ್ರಶ್ನಿಸಿದರು. ಅದಕ್ಕೆ ೨೦೨೩ರ ಆಗಸ್ಟ್ ೨೨ ರಂದು ದಾಖಲೆ ಸಹಿತ ಮಾಹಿತಿ ನೀಡಿರುವ ಅಧಿಕಾರಿಗಳು, ವೇಶ್ಯಾವಾಟಿಕೆ ಕುರಿತು ಯಾವುದೇ ಪ್ರಕರಣ ದಾಖಲಾಗಿಲ್ಲ. ಗಾಂಜಾ ಚರಸ್‌ಗೆ ಸಂಬAಧಿಸಿ 10 ಪುಟಗಳ ಮಾಹಿತಿ ಒದಗಿಸಿದ್ದಾರೆ. ಅದರಲ್ಲಿ ನಾಲ್ಕು ಪ್ರಕರಣಗಳಿವೆ. ಒಂದರಲ್ಲಿ ಪ್ರರಕಣದಲ್ಲಿ ಆರೋಪಿ ಹೆಸರು, ವಿಳಾಸ, ಪತ್ತೆಯಾದ ಸ್ವತ್ತಿನ ಮಾಹಿತಿಯೇ ಇಲ್ಲ. ಕೇವಲ ಮಾಹಿತಿ ಆಧರಿಸಿ ದೂರು ದಾಖಲಿಸಲಾಗಿದೆ.

29 ಹಳ್ಳಿಗಳಿಗೆ ತಟ್ಟಿದ ಬಿಸಿ:

ಹಂಪಿ ವಿಶ್ವ ಪರಂಪರೆ ಪ್ರದೇಶ ನಿರ್ವಹಣಾ ಪ್ರಾಧಿಕಾರದ ವಿರುದ್ಧ ಕೋರ್ಟ್ ನ್ಯಾಯಾಂಗ ನಿಂದನೆ ಅರ್ಜಿ ದಾಖಲಾಗುತ್ತಿ ದ್ದಂತೆ ಅಧಿಕಾರಿಗಳು ಎಚ್ಚೆತ್ತುಕೊಂಡಿದ್ದಾರೆ. ಹಂಪಿ, ಹೊಸ ಹಂಪಿ, ಕಡ್ಡಿರಾಂಪುರ, ಸಣಾಪುರ, ಕಮಲಾಪುರ, ವೆಂಕಟಾಪುರ ಸೇರಿ 15 ಹಾಗೂ ಕೊಪ್ಪಳ ಭಾಗದ ಹನಮನಹಳ್ಳಿ, ವಿರುಪಾಪುರ ಗಡ್ಡಿ, ಸಂಗಾಪುರ 14 ಸೇರಿದಂತೆ 29 ಹಳ್ಳಿಗಳಿಗೆ ನೋಟಿಸ್ ನೀಡಲಾಗಿದೆ. ಈ ಪೈಕಿ ಪ್ರವಾಸೋದ್ಯಮವನ್ನೇ ಅವಲಂಭಿಸಿರುವ ಹಂಪಿ ಜನತಾ ಪ್ಲಾಟ್ ನಿವಾಸಿಗಳಿಗೆ ಹೆಚ್ಚು ಪರಿಣಾಮ ಬೀರಿದ್ದು, ಉದ್ಯೋಗವಿಲ್ಲದೇ ಕಳೆದ ಎರಡು ತಿಂಗಳಿAದ ಕಣ್ಣೀರಿಡುತ್ತಿದ್ದಾರೆ.