ಹಂಪಿ ಸ್ಮಾರಕಗಳ ಅಂಗಳದಲ್ಲಿ ಯೋಗ ಸಂಭ್ರಮ

ಮಂಜುನಾಥ ಅಯ್ಯಸ್ವಾಮಿ ಹಂಪಿ

ಉತ್ಸವದ ಎರಡನೇ ದಿನ ಶನಿವಾರ ವಿಜಯವಿಠ್ಠಲ ದೇಗುಲದಲ್ಲಿ ಆಯೋಜಿಸಿದ್ದ ಯೋಗ ಪ್ರದರ್ಶನ ಗಮನ ಸೆಳೆಯಿತು.

ವಿಜಯ ವಿಠ್ಠಲದ ದೇಗುಲದಲ್ಲಿ ಎರಡನೇ ಬಾರಿಗೆ ಯೋಗ ಪ್ರದರ್ಶನ ಆಯೋಜನೆ ಮಾಡಲಾಗಿತ್ತು. ಈ ಬಾರಿ ಕೂಡಾ ಜಿಲ್ಲಾಡಳಿತಕ್ಕೆ ಹಲವ ಸಂಘ-ಸಂಸ್ಥೆಗಳು ಹಾಗೂ ಶಾಲಾ ವಿದ್ಯಾರ್ಥಿಗಳು ಕೈಜೋಡಿಸಿದ್ದರು.

ಯೋಗ ವೈಭವವನ್ನು ಕಣ್ತುಂಬಿಕೊಳ್ಳುವ ಕುತೂಹಲದಿಂದ ನೂರಾರು ಜನರು ಪಾಲ್ಗೊಂಡಿದ್ದರು. ಯೋಗ ಪ್ರದರ್ಶನಕ್ಕೆ ಕಾತರದಿಂದ ಕಾಯುತ್ತಿದ್ದ ಪಟುಗಳು ತಂಡೋಪತಂಡವಾಗಿ ಶನಿವಾವಾರ ನಸುಕಿನ ಜಾವ ವಿಜಯವಿಠ್ಠಲದ ಕಡೆ ಹಾಕಿದರು. ನಿಗದಿತ ವೇದಿಕೆಯ ಮುಂಭಾಗದಲ್ಲಿ ಶಿಸ್ತುಬದ್ಧವಾಗಿ ನೆಲಹಾಸು ಹಾಕಿಕೊಂಡರು. ಒಂದಷ್ಟು ಹೊತ್ತು ತಾಲೀಮು ನಡೆಸಿ ಯೋಗ ಪ್ರದರ್ಶನಕ್ಕೆ ಸಜ್ಜಾದರು.

ಇದನ್ನೂ ಓದಿ: ಯೋಜನೆ ಸದುಪಯೋಗ ಪಡಿಸಿಕೊಳ್ಳಲಿ

ಹರಿಹರ ಪಂಚಮಸಾಲಿ ಪೀಠಾಧಿಪತಿ ವಚನಾನಂದ ಸ್ವಾಮೀಜಿ ನೇತೃತ್ವದಲ್ಲಿ ಹಲವು ಆಸನಗಳನ್ನು ಪ್ರದರ್ಶಿಸಿದರು. ಸೂರ್ಯನ ಕಿರಣಗಳು ಆಗಷ್ಟೇ ಭೂಮಿಯನ್ನು ಸ್ಪರ್ಶಿಸುತ್ತಿದ್ದಂತೆ ತಂಗಾಳಿ ತೀಡಿ ಯೋಗಪಟುಗಳಿಗೆ ಮುದ ನೀಡಿತು. ಜಿಲ್ಲಾಧಿಕಾರಿ ಎಂ.ಎಸ್.ದಿವಾಕರ, ಪತಂಜಲಿ ಯೋಗಪೀಠ ಭವರ್ ಲಾಲ್ ಆರ್ಯ, ಆಯುಷ್ ಇಲಾಖೆಯ ಡಾ.ಸರಳಾ ಇತರರಿದ್ದರು.