ಚಳಿಗಾಲ ಆರಂಭವಾರೆ ಸಾಕು ಹಂಪಿಯ ಪ್ರವಾಸವನ್ನು ಒಮ್ಮೆಯಾದರೂ ಕೈಗೊಳ್ಳಲೇಬೇಕು ಎಂದು ಪ್ರವಾಸಿಗರು ಇಲ್ಲಿ ಭೇಟಿ ನೀಡುತ್ತಾರೆ. ಅದರಲ್ಲೂ ಶಾಲಾ ಕಾಲೇಜುಗಳ ಪ್ರವಾಸ ಕೂಡ ಹೆಚ್ಚಾಗಿರುತ್ತದೆ. ಬೆಂಗಳೂರು, ಮೈಸೂರು, ಮಂಗಳೂರು, ಕೋಲಾರ, ಚಿತ್ರದುರ್ಗ, ದಾವಣಗೆರೆ, ಬೀದರ್, ವಿಜಯಪುರ, ಬೆಳಗಾವಿ ಸೇರಿದಂತೆ ನೆರೆಯ ಆಂಧ್ರಪ್ರದೇಶ, ತೆಲಂಗಾಣ, ತಮಿಳುನಾಡು, ಕೇರಳ, ಮಹಾರಾಷ್ಟ್ರಗಳಿಂದ ಕಳೆದ ದಿನಗಳಿಂದ ಶಿಕ್ಷಣ ಸಂಸ್ಥೆಗಳು, ಶಾಲೆ, ಕಾಲೇಜುಗಳ ಉಪನ್ಯಾಸಕರು ಮಕ್ಕಳನ್ನು ಕರೆದುಕೊಂಡು ಹಂಪಿ ಪರಿಸರದಲ್ಲಿ ಬಿಡು ಬಿಟ್ಟಿದ್ದಾರೆ. ಇಲ್ಲಿ ಆಗಮಿಸುವ ಮೊದಲು ನಗರದ ಕೂಗಳತೆಯಲ್ಲಿನ ತುಂಗಭದ್ರಾ ಜಲಾಶಯಕ್ಕೂ ಕರೆತಂದು ಮಕ್ಕಳಲ್ಲಿ ಹೊಸ ಅನುಭವನ್ನುಂಟುಮಾಡಿದೆ.
