ಸಾಹಿತಿ ಸುಧಾ ಚಿದಾನಂದಗೌಡ ಅವರು ಶಿಕ್ಷಣದ ಬೆಳಕಿನಲ್ಲಿ ಮಹಿಳೆ ಕುರಿತು ವಿಚಾರ ಮಂಡಿಸಿದರು. ಸೂರ್ಯ ಉದಯಿಸುವ ಮುನ್ನವೇ ಮಹಿಳೆಯರು ಎದ್ದು ಕೆಲಸ ಆರಂಭಿಸುತ್ತಾರೆ. 19ನೇ ಶತಮಾನದವರೆಗೆ ಮಹಿಳೆಯರು ಕತ್ತಲಲ್ಲಿ ಇದ್ದರು. ಮಹಿಳೆಯರನ್ನು ಭೋಗದ ವಸ್ತುವಾಗಿ ಪುರುಷ ಸಮಾಜ ಬಳಸಿಕೊಂಡಿದೆ. ಆದರೆ, 12ನೇ ಶತಮಾನದಲ್ಲಿ ವಚನ ಚಳವಳಿ ಮೂಲಕ ಮಹಿಳೆಯರು ಶಿಕ್ಷಣವಂತರಾದರು. ವ್ಯಕ್ತಿಗತ ತೊಳಲಾಟಗಳು, ಸಮಾಜದ ಅಂಕುಡೊಂಕುಗಳು, ಸಮಸ್ಯೆಗಳಿಗೆ ವಚನಗಳ ಮೂಲಕ ಪರಿಹಾರ ನೀಡಿದರು. ಅವರೆಲ್ಲ ಶಿಕ್ಷಣ ತಜ್ಞರಾಗಿದ್ದು, ಕೆಲ ವಚನಗಾರ್ತಿಯರ ವಚನಗಳು ಇಂದಿಗೂ ಲಭ್ಯವಾಗಿಲ್ಲ. ವಚನಗಾರ್ತಿಯರು ನಿಜವಾದ ಬೆಳಕಿನ ಕಿರಣಗಳಾಗಿದ್ದು, ಸ್ವಾತಂತ್ರೃ ನಂತರ ಸಾವಿತ್ರಿಬಾಯಿ ಫುಲೆ ಅವರು ಮಹಿಳಾ ಶಿಕ್ಷಣಕ್ಕಾಗಿ ಶ್ರಮಿಸಿದರು. ಜ್ಯೋತಿ ಬಾ ಫುಲೆ ಸಹ ಮಹಿಳಾ ಶಿಕ್ಷಣಕ್ಕಾಗಿ ಶ್ರಮಿಸಿದರು ಎಂದು ಅಭಿಪ್ರಾಯಪಟ್ಟರು.
