ಪಂಜಾಬ್‌ ವಿವಿಯೊದಿಗೆ ಹಳಿಯಾಳ ವಿಡಿಐಟಿ ಒಡಂಬಡಿಕೆ

ಹಳಿಯಾಳ ಕೆ ಎಲ್ ಎಸ್ ವಿ ಡಿ ಐ ಟಿ ಮಹಾವಿದ್ಯಾಲಯವು  ಪಂಜಾಬಿನ ಲ್ಯಾಮರಿನ್  ಟೆಕ್  ಸ್ಕಿಲ್ ವಿಶ್ವವಿದ್ಯಾಲಯದೊಂದಿಗೆ ಜುಲೈ 3 ರಂದು ಒಡಂಬಡಿಕೆ ಮಾಡಿಕೊಂಡಿದೆ ಎಂದು

ಮಹಾವಿದ್ಯಾಲಯದ ಪ್ರಾಚಾರ್ಯ  ಡಾ. ವಿ ಎ ಕುಲಕರ್ಣಿ  ತಿಳಿಸಿದ್ದಾರೆ.

ಮಹಾವಿದ್ಯಾಲಯದಲ್ಲಿ ನಡೆದ ಸಮಾರಂಭದಲ್ಲಿ ಲ್ಯಾಮರಿನ್   ಟೆಕ್ ಸ್ಕಿಲ್  ವಿಶ್ವವಿದ್ಯಾಲಯದ ಉಪಕುಲಪತಿಗಳಾದ  ಡಾ. ಎಂ ಬಿ ಗುರುರಾಜ್  ವಿದ್ಯಾರ್ಥಿಗಳ ಕೌಶಲ್ಯ ಅಭಿವೃದ್ಧಿ ಗೊಳಿಸುವುದರ  ಮೂಲಕ ಉದ್ಯೋಗಾವಕಾಶ ಸೃಷ್ಟಿ ಮಾಡುವ ಉದ್ದೇಶದಿಂದ ವಿ ಡಿ ಐ ಟಿ ಯೊಂದಿಗೆ ಒಡಂಬಡಿಕೆ ಮಾಡಿಕೊಂಡಿದ್ದೇವೆ ಎಂದು ಹೇಳಿದರು. ತಮ್ಮ ವಿಶ್ವವಿದ್ಯಾಲಯವು  ಕೌಶಲ್ಯ ಅಭಿವೃದ್ಧಿಪಡಿಸುವ ಹಲವಾರು ಕಾರ್ಯಕ್ರಮಗಳನ್ನು ಹಮ್ಮಿಕೊಂಡು  ಯಶಸ್ವಿಯಾಗಿದೆ ಎಂದು ತಿಳಿಸಿದರು. ಈ ಒಡಂಬಡಿಕೆಯಿಂದ ವಿದ್ಯಾರ್ಥಿಗಳು ಕೈಗಾರಿಕಾ ಕ್ಷೇತ್ರ ಬಯಸುವ ಕೌಶಲ್ಯವನ್ನು ಹೊಂದಲು ಸಹಕಾರಿಯಾಗುವುದು  ಎಂದು ಹೇಳಿದರು.

ಅಧ್ಯಕ್ಷತೆ ವಹಿಸಿ ಮಾತನಾಡಿದ  ಮಹಾವಿದ್ಯಾಲಯದ ಆಡಳಿತ ಮಂಡಳಿಯ ಅಧ್ಯಕ್ಷ  ಪ್ರಶಾಂತ್ ಕುಲಕರ್ಣಿ  ಲ್ಯಾಮರಿನ್ ವಿಶ್ವವಿದ್ಯಾಲಯದೊಂದಿಗೆ  ಒಡಂಬಡಿಕೆ ಹೊಂದಿದ   ಉತ್ತರ ಕರ್ನಾಟಕದ ಏಕೈಕ ತಾಂತ್ರಿಕ ಮಹಾವಿದ್ಯಾಲಯ ವಿ ಡಿ ಐ ಟಿ ಆಗಿರುವುದು ಸಂತಸದ ವಿಷಯ ಎಂದರು.

ಪ್ರಾಚಾರ್ಯ  ಡಾ. ವಿ ಎ ಕುಲಕರ್ಣಿ  ಈ ಒಡಂಬಡಿಕೆಯು ಮಹಾವಿದ್ಯಾಲಯದ ವಿದ್ಯಾರ್ಥಿಗಳ ಕೌಶಲ್ಯ ಅಭಿವೃದ್ಧಿಗೆ  ಪುಷ್ಟಿ ನೀಡಿದೆ ಎಂದು ಹೇಳಿದರು.

ಈ ಸಂದರ್ಭದಲ್ಲಿ ವಿ ಆರ್ ಡಿ ಎಂ ಟ್ರಸ್ಟ್ ನ ಆಡಳಿತ ಅಧಿಕಾರಿ  ಪ್ರಕಾಶ್ ಪ್ರಭು ಲ್ಯಾಮರಿನ್ ಟೆಕ್ ಸ್ಕಿಲ್  ಯೂನಿವರ್ಸಿಟಿಯ ಪದಾಧಿಕಾರಿಗಳು ಇದ್ದರು. ಮೆಕ್ಯಾನಿಕಲ್ ವಿಭಾಗದ ಮುಖ್ಯಸ್ಥ  ಡಾ. ಕೆ ಎಸ್ ಪೂಜಾರ್ ಸ್ವಾಗತಿಸಿದರು. ಪ್ರೊ. ಬಿ ಬಿ ಪಾಟೀಲ್ ವಂದಿಸಿದರು. ಪ್ರೊ. ನವೀನ್ ಹಿರೇಮಠ  ನಿರೂಪಿಸಿದರು.