ಚಂದ್ರಲೇಖಾ ಟ್ರಸ್ಟ್ ಅಧ್ಯಕ್ಷ ಸುಬ್ರಹ್ಮಣ್ಯ ಮಾತನಾಡಿ, ಹಲವು ದಶಕಗಳ ಕಾಲ ಜಿಲ್ಲೆಯ ಬಾಳ್ಳುಪೇಟೆ ಗ್ರಾಮದ ಸರ್ಕಾರಿ ಶಾಲೆಯಲ್ಲಿ ಸೇವೆ ಸಲ್ಲಿಸುವ ಅವಕಾಶ ದೊರೆತಿತ್ತು. ಆಗ ಗ್ರಾಮೀಣ ಭಾಗದ ಮಕ್ಕಳ ವಿದ್ಯಾಭ್ಯಾಸದ ಬವಣೆಗಳು ಅರ್ಥವಾದವು. ಓದುವ ಆಸಕ್ತಿ ಇದ್ದರೂ ಮನೆಯಲ್ಲಿನ ಪ್ರತಿಕೂಲ ಪರಿಸ್ಥಿಯಿಂದಾಗಿ ಅನೇಕ ಮಕ್ಕಳು ಶಾಲೆ ಬಿಟ್ಟು ಕೂಲಿ ಕೆಲಸಕ್ಕೆ ತೆರಳುತ್ತಿದ್ದರು. ಮಲೆನಾಡು ಭಾಗದಲ್ಲಿ ಇಂತಹ ಪರಿಸ್ಥಿತಿ ಈಗಲೂ ಅಲ್ಲಲ್ಲಿ ಕಂಡುಬರುತ್ತದೆ. ನಿವೃತ್ತಿ ಬಳಿಕ ಶಿಕ್ಷಣ ಕ್ಷೇತ್ರಕ್ಕೆ ಕೈಲಾದ ಸೇವೆ ಮಾಡುವ ಇಚ್ಚೆ ಮೂಡಿದ ಕಾರಣ ಸಹೃದಯ ಮಿತ್ರರ ಸಹಕಾರದೊಂದಿಗೆ ಅಲ್ಪ ಸೇವೆ ಮಾಡುತ್ತಿದ್ದೇವೆ ಎಂದರು.ಟ್ರಸ್ಟ್ ಉಪಾಧ್ಯಕ್ಷೆ ಉಷಾ ಸುಬ್ರಹ್ಮಣ್ಯ, ಕಾರ್ಯದರ್ಶಿ ಕೆ.ವಿ. ನಾಗರಾಜ್, ಖಜಾಂಚಿ ರಂಗಸ್ವಾಮಿ, ನಿರ್ದೇಶಕರಾದ ಬಾಳ್ಳುಪೇಟೆ ಧರ್ಮಪ್ರಕಾಶ್, ಎಚ್.ವಿ.ಗೋಪಾಲಕೃಷ್ಣ, ವೈ.ಆರ್. ಮಂಜುನಾಥ್ ಮತ್ತಿತರರಿದ್ದರು.
