ಮಂಚಕ್ಕೆ ಕೈ ಕಟ್ಟಿ ಚಿಕಿತ್ಸೆ, ಮೂಗಲ್ಲಿ ರಕ್ತ ಹೆಪ್ಪುಗಟ್ಟಿದ್ದರೂ ಹಾಗೇ ಆಕ್ಸಿಜನ್ ಪೂರೈಕೆ​! ಬೆಚ್ಚಿ ಬೀಳಿಸುವ ಟ್ರೀಟ್ಮೆಂಟ್​!

ಕಲಬುರಗಿ: ಕರೊನಾ ಸೋಂಕಿತರ ಚಿಕಿತ್ಸೆಗಾಗಿ ವೈದ್ಯರು ಹಗಲಿರುಳು ದುಡಿಯುತ್ತಿದ್ದಾರೆ. ಆದರೆ ಎಲ್ಲೋ ಕೆಲವು ಆಸ್ಪತ್ರೆಗಳು ಮಾತ್ರ ಸೋಂಕಿತರನ್ನು ಅತ್ಯಂತ ಹೀನಾಯವಾಗಿ ನೋಡಿಕೊಳ್ಳುತ್ತಿವೆ. ಅದೇ ರೀತಿಯ ನಿರ್ಲ್ಯಕ್ಷದ ಚಿಕಿತ್ಸೆಯಿಂದಾಗಿ ವ್ಯಕ್ತಿಯೊಬ್ಬ ಪ್ರಾಣ ಬಿಟ್ಟ ಘಟನೆ ಕಲಬುರಗಿಯಲ್ಲಿ ನಡೆದಿದೆ.

ನಗರದ ಜಿಮ್ಸ್​ ಆಸ್ಪತ್ರೆಯಲ್ಲಿ ಇಂತದ್ದೊಂದು ಘಟನೆ ನಡೆದಿದೆ. ಯಾದಗಿರಿ ಜಿಲ್ಲೆಯ ಶಹಾಪುರ ತಾಲ್ಲೂಕಿನ ದೊರೆನಹಳ್ಳಿ ಗ್ರಾಮದ ಮುರಾರಿರಾವ್ ಹೆಸರಿನ ವ್ಯಕ್ತಿಗೆ ಸೋಂಕು ದೃಢಪಟ್ಟಿದ್ದು, ಚಿಕಿತ್ಸೆಗಾಗಿ ಜಿಮ್ಸ್​ ಆಸ್ಪತ್ರೆಗೆ ದಾಖಲಾಗಿದ್ದಾರೆ. ಆದರೆ ಅಲ್ಲಿ ಅಲ್ಲಿ ಸೋಂಕಿತ ವೃದ್ಧನ ಕೈಯನ್ನು ಮಂಚಕ್ಕೆ ಕಟ್ಟಲಾಗಿದೆ. ಸರಿಯಾದ ಸಮಯಕ್ಕೆ ಚಿಕಿತ್ಸೆಯಾಗಲೀ ಅಥವಾ ಊಟ ತಿಂಡಿಯನ್ನಾಗಲೀ ಕೊಡಲಾಗುತ್ತಿಲ್ಲ. ಸೋಂಕಿತನ ಮೂಗಿನಲ್ಲಿ ರಕ್ತ ಹೆಪ್ಪುಗಟ್ಟಿದ್ದರೂ ಅದನ್ನು ಗಮನಿಸಿದ ಸಿಬ್ಬಂದಿ ಹಾಗೇ ಆಕ್ಸಿಜನ್​ ಕೊಟ್ಟು ಹೋಗಿದ್ದಾರೆ. ಅದಾದ ಮೇಲೆ ಆತನ ಸ್ಥಿತಿ ಏನಾಗಿದೆ ಎನ್ನುವುದನ್ನೂ ಗಮನಿಸಿಲ್ಲ.

ರಕ್ತ ಹೆಪ್ಪಾಗಿದ್ದರೂ ಆಕ್ಸಿಜನ್​ ಕೊಟ್ಟಿದ್ದನ್ನು ಕಂಡ ಸೋಂಕಿತನ ಕುಟುಂಬಸ್ಥರು ತಾವೇ, ಮೂಗು ಸ್ವಚ್ಛಗೊಳಿಸಿ ಆಕ್ಸಿಜನ್​ ಹಾಕಿದ್ದಾರೆ. ಈ ರೀತಿ ವೈದ್ಯರ ನಿರ್ಲ್ಯಕ್ಷದಿಂದಾಗಿ ಸೋಂಕಿತ ಸಾವನ್ನಪ್ಪಿದ್ದಾನೆ.

ಸಾವನ್ನಪ್ಪಿರುವ ಮುರಾರಿರಾವ್ ಪ್ರಾಥಮಿಕ ಕೃಷಿ ಪತ್ತಿನ ಸಹಕಾರ ಸಂಘ ದೋರನಹಳ್ಳಿಯ ನಿರ್ದೇಶಕರಾಗಿದ್ದರು ಎನ್ನಲಾಗಿದೆ. ಈ ಸಾವಿನಿಂದಾಗಿ ಕರೊನಾ ಸೊಂಕಿತರಿಗೆ ಕಾಟಚಾರಕ್ಕೆ ಚಿಕಿತ್ಸೆ ಕೊಡ್ತಿದೆಯಾ ಜಿಮ್ಸ್ ಆಸ್ಪತ್ರೆ? ಎನ್ನುವ ಪ್ರಶ್ನೆ ಹುಟ್ಟುಕೊಂಡಿದೆ.

https://www.vijayavani.net/new-delhi-lockdown-extended/

https://www.vijayavani.net/person-trying-to-sell-car-online-accidentally-put-private-picture/

https://www.vijayavani.net/doctor-seen-in-video-found-dead/