ಸಂಸ್ಥೆಯ ನಿಜವಾದ ಸಂಪತ್ತು ಕಟ್ಟಡಗಳಲ್ಲ. ವಿದ್ಯಾ ಸಂಪನ್ನರು, ಸಂಸ್ಕೃತಿ ಸಂಪನ್ನರಾದ ಮಕ್ಕಳೇ ವಿದ್ಯಾ ಸಂಸ್ಥೆಗಳ ನಿಜವಾದ ಸಂಪತ್ತು ಎಂದು ನಮ್ಮ ಗುರುಗಳಾಗಿದ್ದ ಲಿಂ. ಡಾ. ಅಭಿನವ ಅನ್ನದಾನ ಮಹಾಸ್ವಾಮೀಜಿ ಪದೇಪದೆ ಹೇಳುತ್ತಿದ್ದರು. ಈ ಸಡಗರ, ಸುವರ್ಣ ಸಂಭ್ರಮ ನೋಡಿದರೆ ಆ ಮಾತು ನಿಜ ಎನಿಸುತ್ತದೆ ಎಂದರು. ಸಂಸ್ಥೆಯ ಪ್ರಧಾನ ಕಾರ್ಯದರ್ಶಿ ರವೀಂದ್ರನಾಥ ದೊಡ್ಡಮೇಟಿ ಸಮಾರಂಭವನ್ನು ಉದ್ಘಾಟಿಸಿದರು. ಕಳೆದ ಸಾಲಿನ ಎಸ್ಸೆಸ್ಸೆಲ್ಸಿ ಪರೀಕ್ಷೆಯಲ್ಲಿ ಪ್ರಥಮ, ದ್ವಿತೀಯ ಸ್ಥಾನ ಪಡೆದವರಿಗೆ ಪ್ರತಿಭಾ ಪುರಸ್ಕಾರ ನೀಡಲಾಯಿತು. ನಿವೃತ್ತ ಶಿಕ್ಷಕರಾದ ಎ. ಎಫ್. ಹಿರೇಮಠ, ಎಂ. ಎ. ಹಿರೇವಡೆಯರ ಮಾತನಾಡಿದರು. ನಿವೃತ್ತ ಪ್ರಾಧ್ಯಾಪಕ ಆರ್.ಎಲ್. ಪೊಲೀಸ್ಪಾಟೀಲ, ಡಾ.ವಿ. ಬಿ. ರಡ್ಡೇರ, ಆಡಳಿತಾಧಿಕಾರಿ ಎನ್. ಆರ್. ಗೌಡರ, ವೀರಣ್ಣ ಹಳ್ಳಿ, ಸೋಮಣ್ಣ ಹರ್ಲಾಪುರ, ಬಸವರಾಜ ದಿಂಡೂರ, ಇತರರಿದ್ದರು. ಅಶೋಕ ಕುಲಕರ್ಣಿ ಸ್ವಾಗತಿಸಿ, ಎಫ್.ಎನ್. ಹುಡೇದ ನಿರ್ವಹಿಸಿದರು.
