ನಾಲ್ಕು ತಿಂಗಳ ಒಳಗೆ ಗುರುಭವನಕ್ಕೆ ಲೋಕಾರ್ಪಣೆ

ಮಾಲೂರು: ಗುರುಭವನ ಕಟ್ಟಡವನ್ನು 5 ಕೋಟಿ ರೂ.ಗಳ ವೆಚ್ಚದಲ್ಲಿ ನಿಮಾರ್ಣ ಮಾಡಲಾಗುತ್ತಿದ್ದು, ಮುಂದಿನ ನಾಲ್ಕು ತಿಂಗಳ ಒಳಗಡೆ ಕಾಮಗಾರಿ ಮುಗಿಸಿ ಗುರುಭವನ ಲೋಕಾರ್ಪಣೆ ಮಾಡಲಾಗುವುದು ಎಂದು ಶಾಸಕ ಕೆ.ವೈ.ನಂಜೇಗೌಡ ತಿಳಿಸಿದರು.

ಪಟ್ಟಣದ ಮಾರುತಿ ಬಡಾವಣೆಯಲ್ಲಿ 5 ಕೋಟಿ ರೂ.ಗಳ ವೆಚ್ಚದಲ್ಲಿ ನಿಮಾರ್ಣವಾಗುತ್ತಿರುವ ಗುರುಭವನ ಕಟ್ಟಡಕ್ಕೆ ಭೇಟಿ ನೀಡಿ ಪರಿಶೀಲಿಸಿ ಮಾತನಾಡಿದ ಅವರು, ಈಗಾಗಲೇ ಗುರುಭವನ ಕಟ್ಟಡಕ್ಕೆ ಜಾತ್ಯತಿತವಾಗಿ ಪಕ್ಷತವಾಗಿ ಹಲವು ಸಂಘ&ಸಂಸ್ಥೆಗಳು ಗ್ರಾಮ ಪಂಚಾಯಿತಿಗಳು, ತಾಲೂಕು ಪಂಚಾಯಿತಿ, ಪುರಸಭೆ ಸಂಘ&ಸಂಸ್ಥೆಗಳು ಹಾಗೂ ದಾನಿಗಳು ಸಹಕಾರ ನೀಡಿದ್ದಾರೆ. ಇನ್ನು ಹೊಸ ದಾನಿಗಳನ್ನು ಭೇಟಿ ಮಾಡಿ ನಿಧಿಯನ್ನು ಗುರುಭವನಕ್ಕೆ ಸಂಗ್ರಹಿಸಬೇಕೆಂದು ಗುರುಭವನ ಕಟ್ಟಡ ಸಮಿತಿಯ ಪದಾಧಿಕಾರಿಗಳಿಗೆ ಸೂಚಿಸಿದರು.

ಮುಖ್ಯಾಧಿಕಾರಿ ಪ್ರದಿಪ್​ಕುಮಾರ್​, ಪುರಸಭಾ ಸದಸ್ಯ ಬುಲೆಟ್​ ವೆಂಕಟೇಶ್​, ಸರ್ಕಲ್​ ಇನ್​ಸ್ಪೆಕ್ಟರ್​ ವಸಂತ್​, ಕಾರ್ಯ ಪಾಲಕ ಅಭಿಯಂತರರಾದ ವಿಶ್ವನಾಥ್​ ರೆಡ್ಡಿ, ಬಿಇಒ ಚಂದ್ರಕಲಾ, ಸಾರ್ವಜನಿಕ ಆಸ್ಪತ್ರೆಯ ಆಡಳಿತ ವೈದ್ಯಧಿಕಾರಿ ಡಾ. ವಸಂತ್​ ಇದ್ದರು.