ಗ್ಯಾರಂಟಿ ಹೊಸಕೋಟೆಯಲ್ಲಿ 500 ರೂ.ಕೋಟಿ ಬಳಕೆ

ಹೊಸಕೋಟೆ: ರಾಜ್ಯದಲ್ಲಿ ಕಾಂಗ್ರೆಸ್​ ಘೋಷಿಸಿದ ಪಂಚ ಗ್ಯಾರಂಟಿ ಯೋಜನೆಯಡಿ ತಾಲೂಕಿಗೆ ಸುಮಾರು 500 ಕೋಟಿ ರೂ.ವರೆಗೆ ಫಲಾನುಭವಿಗಳಿಗೆ ಅನುಕೂಲ ಮಾಡಿಕೊಡಲಾಗಿದೆ ಎಂದು ಶಾಸಕ ಶರತ್​ ಬಚ್ಚೇಗೌಡ ತಿಳಿಸಿದರು.

ತಾಲೂಕು ಪಂಚಾಯಿತಿಯಲ್ಲಿ ಮಂಗಳವಾರ ಆಯೋಜಿಸಿದ್ದ ಗ್ಯಾರಂಟಿ ಸಮಿತಿ ಹಾಗೂ ಅಧಿಕಾರಿಗಳ ಪ್ರಗತಿ ಪರಿಶೀಲನಾ ಸಭೆಯಲ್ಲಿ ಮಾತನಾಡಿದ ಅವರು, ಶಕ್ತಿ ಯೋಜನೆಯಡಿ ಬಿಎಂಟಿಸಿ 39 ಟಕ ಒಂದರಲ್ಲಿ 3 ಕೋಟಿ 27 ಸಾವಿರದಷ್ಟು ಟ್ರಿಪ್​ಗಳಲ್ಲಿ ಮಹಿಳೆಯರು ಪ್ರಯಾಣಿಸಿದ್ದು, ಒಟ್ಟು ಮೊತ್ತ 49.38 ಕೋಟಿ ರೂ.ಗಳಾಗಿದೆ, ಪ್ರತಿ ತಿಂಗಳು 15 ಲಕ್ಷ ವೆಚ್ಚವಾಗುತ್ತಿದೆ ಎಂದರು. ಗೃಹ ಲಕ್ಷಿ$್ಮ ಯೋಜನೆಯಡಿ ತಾಲೂಕಿನ 60,025 ಫಲಾನುಭವಿಗಳಿದ್ದಾರೆ. ಅದರಲ್ಲಿ ಶೇ.99.93 ಮಹಿಳೆಯರು ಸಾಧನೆ ಮಾಡಿದ್ದು, ಇದರಲ್ಲಿ ಈ ವರೆಗೆ 205 ಕೋಟಿ ಮೊತ್ತ ನೀಡಲಾಗಿದೆ. ಗೃಹಜ್ಯೋತಿ ಯೋಜನೆಯಡಿ 99,295 ಮನೆಗಳಿಗೆ ಈ ಪ್ರಯೋಜನೆ ನೀಡಿದ್ದು, ಶೇ.99.55 ಸಾಧನೆ ಮಾಡಿ 4.5 ಕೋಟಿ ಮೊತ್ತದ ಯೋಜನೆಯಾಗಿದೆ.

ಅನ್ನಬಾಗ್ಯ ಯೋಜನೆಯಡಿ 3.5 ಕೋಟಿ ವೆಚ್ಚ ಮಾಡಿ 61 ಸಾವಿರ ಫಲಾನುಭವಿಗಳಿಗೆ ಸಹಕಾರ ನೀಡಿದೆ ಹಾಗೂ ವಿದ್ಯಾನಿಧಿ ಯೋಜನೆಯಡಿ ಈ ವರೆಗೆ 574 ವಿದ್ಯಾರ್ಥಿಗಳಿಗೆ ಮಾಸಿಕ ವೇತನದಡಿ 83.5 ಲಕ್ಷ ಹಣ ನೀಡಲಾಗಿದೆ. ಇದರಿಂದ ಬಡವರು ಯೋಜನೆಯ ಫಲದಿಂದ ನಿರಾಳರಾಗಿದ್ದಾರೆ ಎಂದರು. ದೊಡ್ಮನೆ ಅರುಣ್​ ಕುಮಾರ್​, ಯರ್ರೇಗೌಡ ಸೇರಿ ವಿವಿಧ ಇಲಾಖೆ ಅಧಿಕಾರಿಗಳು ಹಾಜರಿದ್ದರು.