ವ್ಯಾಪಾರಿಗಳಿಗೆ ಜಿಎಸ್​ಟಿ ಮಾಹಿತಿ ಕಾರ್ಯಾಗಾರ

ಉಡುಪಿ: ರಾಜ್ಯದ ವಿವಿಧ ಜಿಲ್ಲೆಗಳಲ್ಲಿ ನಿಗದಿತ ಮಿತಿಗಿಂತ ಹೆಚ್ಚು ವಹಿವಾಟು ಮಾಡಿದ ವರ್ತಕರಿಗೆ ವಾಣಿಜ್ಯ ತೆರಿಗೆ ಇಲಾಖೆ ಶೋಕಾಸ್​ ನೋಟಿಸ್​ ನೀಡಿದ್ದರೂ ಮಂಗಳೂರು ಮತ್ತು ಉಡುಪಿ ಜಿಲ್ಲೆಯಲ್ಲಿ ವ್ಯಾಪಾರಿಗಳಿಗೆ ಕೇವಲ ಇಂಟಿಮೇಶನ್​ ಪತ್ರ ರವಾನಿಸಿದ್ದೇವೆ. ಇದಕ್ಕೆ ಸ್ಪಷ್ಟನೆ ನೀಡಿದರೆ ಪ್ರಕರಣ ಮುಗಿದು ಹೋಗಲಿದೆ ಎಂದು ವಾಣಿಜ್ಯ ತೆರಿಗೆ ಇಲಾಖೆ ಉಪ ಆಯುಕ್ತ ಹೊಳೆಯಪ್ಪ ಎಚ್​. ತಿಳಿಸಿದರು.

ಜಿಲ್ಲಾ ವರ್ತಕರ ಹಿತರಕ್ಷಣ ವೇದಿಕೆ ಹಾಗೂ ಲೆಕ್ಕಪರಿಶೋಧಕರ ಸಂದ ವತಿಯಿಂದ ನಡೆದ ಜಿಎಸ್​ಟಿ ಮಾಹಿತಿ ಕಾರ್ಯಾಗಾರ ಉದ್ಘಾಟಿಸಿ ಮಾತನಾಡಿದರು. ಯಾವುದೇ ವ್ಯಾಪಾರ ತೆರಿಗೆ ವ್ಯಾಪ್ತಿಗೆ ಒಳಪಟ್ಟಿದೆಯೋ ಇಲ್ಲವೋ ಎಂಬುದನ್ನು ಪರಿಶೀಲಿಸುವುದು ಇಲಾಖೆಯ ಕಾರ್ಯವಾಗಿದ್ದು, ಸಮಸ್ಯೆ ಬಂದ ಬಳಿಕ ಪರಿಹಾರ ಹುಡುಕುವ ಬದಲು ಆರಂಭದಲ್ಲೇ ತಿಳುವಳಿಕೆ ಹೊಂದುವುದು ಉತ್ತಮ ಎಂದು ಹೇಳಿದರು.

ಸಂಪನ್ಮೂಲ ವ್ಯಕ್ತಿ ಕೊಲಿನ್​ ರೋಡ್ರಿಗಸ್​ ಮಾತನಾಡಿ, ಕರೊನೋತ್ತರ ಕಾಲಟ್ಟದಲ್ಲಿ ಎಲ್ಲಾ ವ್ಯವಹಾರಗಳು ಆನ್​ ಲೈನ್​ ಮೂಲಕ ನಡೆಯಲು ಪ್ರಾರಂಭವಾಗಿದ್ದು, ಆದಾಯ ತೆರಿಗೆ ಇಲಾಖೆ ಪಾರದರ್ಶಕತೆಗೆ ಆದ್ಯತೆ ನೀಡುತ್ತಿದೆ. ಹೀಗಾಗಿ ವ್ಯಾಪಾರಿಗಳಿಗೆ ಕಾನೂನು ಅರಿವು ಅತೀ ಅಗತ್ಯವಾಗಿದೆ ಎಂದರು.

ನೋಟಿಸ್​ ರದ್ದು ಸಾಧ್ಯವಿಲ್ಲ

ವಾಣಿಜ್ಯ ತೆರಿಗೆ ಅಥವಾ ಆದಾಯ ತೆರಿಗೆ ಇಲಾಖೆ ನೋಟಿಸ್​ ನೀಡಿದ ಬಳಿಕ ಅದನ್ನು ರದ್ದು ಪಡಿಸಲು ಯಾರಿಂದಲೂ ಸಾಧ್ಯವಿಲ್ಲ. ತಪ್ಪಾಗಿ ನೋಟಿಸ್​ ಕೊಟ್ಟರೂ ಹಿಂಪಡೆದುಕೊಳ್ಳಲು ಕಾನೂನಿನಲ್ಲಿ ಅವಕಾಶವಿಲ್ಲ. ಅದ್ದರಿಂದ 20ಕ್ಕಿಂತ ಮೇಲ್ಪಟ್ಟು ವ್ಯಾಪಾರ ಮಾಡುತ್ತಿರುವವರು ಜಿಎಸ್ಟಿ ಪೋರ್ಟಲ್​ ಮೂಲಕ ನೋಂದಣಿ ಮಾಡಿಕೊಳ್ಳಬೇಕು. ಹೂ, ಹಣ್ಣು, ಪ್ಯಾಕೆಟ್​ ರಹಿತ ಹಾಲು ಸೇರಿದಂತೆ ಅನೇಕ ವಸ್ತುಗಳು ತೆರಿಗೆ ಮುಕ್ತ ವಲಯದಲ್ಲಿದ್ದು, ಈ ಬಗ್ಗೆ ವ್ಯಾಪಾರಿಗಳು ಸಂಬಂಧಪಟ್ಟ ಇಲಾಖೆ ಅಥವಾ ಲೆಕ್ಕಪರಿಶೋಧಕರ ಬಳಿ ಮಾಹಿತಿ ಪಡೆದುಕೊಳ್ಳಬಹುದು ಎಂದರು.

ಜಿಲ್ಲಾ ವರ್ತಕರ ಹಿತರಕ್ಷಣ ವೇದಿಕೆ ಅಧ್ಯಕ್ಷ ಆನಂದ ಕಾರ್ನಾಡ್​ ಅಧ್ಯಕ್ಷತೆ ವಹಿಸಿದ್ದರು. ವೇದಿಕೆ ಕಾರ್ಯದರ್ಶಿ ಓಸ್ವಾಲ್ಡ್​ ಸಲ್ದಾನಾ, ಲೆಕ್ಕಪರಿಶೋಧಕರ ಸಂದ ಅಧ್ಯೆ ಅರ್ಚನಾ ಮಯ್ಯ, ಸಿಎ ಅಶ್ವಥ್​ ಜೆ. ಶೆಟ್ಟಿ, ಸಿಎ ರಾವೇಂದ್ರ ಮೊಗವೀರ ಉಪಸ್ಥಿತರಿದ್ದರು. ಎಂ. ಗಣೇಶ ಕಿಣಿ ಸ್ವಾಗತಿಸಿ, ಸಿಎ ಲಕ್ಷಿ$್ಮಶ ರಾವ್​ ಕಾರ್ಯಕ್ರಮ ನಿರೂಪಿಸಿದರು.