ಪಟ್ಟಣದ ಎಪಿಎಂಸಿ ಸಭಾಂಗಣದಲ್ಲಿ ಸೋಮವಾರ ಮ್ಯಾಮ್ಕೋಸ್ ಷೇರುದಾರರ ಸಮಾಲೋಚನಾ ಸಭೆಯಲ್ಲಿ ಮಾತನಾಡಿದ ಅವರು, ಅಡಕೆ ಬೆಳೆಗಾರರ ಬೇಡಿಕೆಗಳ ಕುರಿತು ಸಮಗ್ರವಾಗಿ ಮತ್ತು ಮುಕ್ತವಾಗಿ ಚರ್ಚಿಸಲು ಸಭೆ ಆಯೋಜಿಸಲಾಗಿದೆ ಎಂದರು.
ಅಡಕೆ ಬೆಳೆಗಾರರ ಹಿತಾಸಕ್ತಿ ರಕ್ಷಣೆಗಾಗಿ ಕೇಂದ್ರ ವಾಣಿಜ್ಯ ಸಚಿವಾಲಯ ಪ್ರೋತ್ಸಾಹ ನೀಡುತ್ತಿದೆ. ಆತಂಕದಲ್ಲಿರುವ ರೈತರಿಗೆ ಧೈರ್ಯ ತುಂಬುವ ಕೆಲಸವನ್ನು ಕೇಂದ್ರ ಮಾಡುತ್ತಿದೆ. ಸಹಕಾರ ಸಂಘವು ಅಡಕೆ ಬೆಳೆಗಾರರು ಮತ್ತು ಕೂಲಿ ಕಾರ್ಮಿಕರಿಗೆ ಆರೋಗ್ಯ ಸೌಲಭ್ಯ ಕಲ್ಪಿಸುತ್ತಿದೆ. ಜಿಲ್ಲೆಯಲ್ಲಿ ಅಡಕೆ ಬೆಳೆಯುವ ಪ್ರದೇಶಗಳಲ್ಲಿ ಸಂಘವು ಸಕ್ರಿಯವಾಗಿದ್ದು, ಲಾಭದತ್ತ ಸಾಗುತ್ತಿದೆ ಎಂದು ಮಾಹಿತಿ ನೀಡಿದರು.
ಅಡಕೆ ಹಾನಿಕಾರಕ ಎಂದು ಜನತೆ ಭಾವಿಸಿದ್ದರು. ಆದರೆ ಬೆಂಗಳೂರಿನ ಸಂಸ್ಥೆಯೊAದು ಸಂಶೋಧನೆ ನಡೆಸಿ, ಅಡಕೆ ಹಾನಿಕಾರಕವಲ್ಲ ಎಂಬ ವರದಿ ನೀಡಿದೆ. ಈ ವರದಿಯನ್ನು ಸುಪ್ರೀಂ ಕೋರ್ಟ್ನಲ್ಲಿಯೂ ಮಂಡಿಸಲಾಗಿದೆ. ಬೆಳೆಗಾರರು ಆತಂಕಪಡುವ ಅಗತ್ಯವಿಲ್ಲ. ಶೀಘ್ರದಲ್ಲಿಯೇ ಆಶಾದಾಯಕ -Àಲಿತಾಂಶ ಲಭ್ಯವಾಗಲಿದೆ ಎಂದರು.
ತಾಲೂಕಿನಲ್ಲಿ ಅಡಕೆ ಬೆಳೆಗಾರರ ಸಂಖ್ಯೆ ಹೆಚ್ಚುತ್ತಿದೆ. ಹಸಿ ಅಡಕೆ ಖರೀದಿಯೂ ಇಲ್ಲಿನ ಶಾಖೆಯಲ್ಲಿ ನಡೆಯಬೇಕು. ಹೆಚ್ಚಿನ ದರಕ್ಕೆ ಅಡಕೆ ಕೊಳ್ಳುತ್ತಾರೆ ಎನ್ನುವ ಭರವಸೆಯನ್ನು ಬೆಳೆಗಾರರಲ್ಲಿ ಮೂಡಿಸಬೇಕು. ಈ ನಡುವೆ ಕೇವಲ ಸಂಘದ ಸದಸ್ಯರು ಮಾತ್ರವಲ್ಲದೆ ಸಾಮಾನ್ಯ ಜನರೊಂದಿಗೆ ಸಭೆಗಳು ನಡೆಯಬೇಕು ಎಂದು ಸಲಹೆ ನೀಡಿದರು.
ಮ್ಯಾಮ್ಕೋಸ್ ನಿರ್ದೇಶಕರಾದ ಕೀರ್ತಿರಾಜ ಕಾನಳ್ಳಿ, ಸುಬ್ರಹ್ಮಣ್ಯ ಯಡಗೆರೆ, ದೇವಾನಂದ, ಸಿ.ಬಿ.ಈಶ್ವರಪ್ಪ, ಎಚ್.ಟಿ.ಸುಬ್ರಹ್ಮಣ್ಯ, ಬಿ.ಸಿ.ನರೇಂದ್ರ, ವಿರೂಪಾಕ್ಷಪ್ಪ, ಟಿ.ಆರ್.ಭೀಮರಾವ್, ತಿಮ್ಮಪ್ಪ, ವಿಜಯಲಕ್ಷಿ÷್ಮÃ, ಶ್ರೀಕಾಂತ, ಪ್ರಮುಖರಾದ ಎಚ್.ಎಸ್.ಮಂಜಪ್ಪ, ಅಶೋಕ್ನಾಯ್ಕ್, ಸೀತಾರಾಮ ಭಟ್, ಚಂದ್ರಣ್ಣ, ಎಪಿಎಂಸಿ ಕಾರ್ಯದರ್ಶಿ ಎಚ್.ಆಶಾ ಇತರರಿದ್ದರು.
