ಮಂಜುನಾಥ ಅಂಗಡಿ ಧಾರವಾಡ
ಚುನಾವಣೆಗೂ ಮೊದಲು ಕಾಂಗ್ರೆಸ್ ಘೋಷಿಸಿದ್ದ ಗೃಹಜ್ಯೋತಿ' ಯೋಜನೆಗೆ ನೋಂದಣಿ ಆರಂಭಗೊAಡಿದೆ. ಜೂ. ೧೮ರಿಂದ ಅರ್ಜಿ ಸಲ್ಲಿಕೆ ಆರಂಭವಾಗಿದ್ದು, ಹೆಸ್ಕಾಂ ವ್ಯಾಪ್ತಿಯ ಜಿಲ್ಲೆಗಳಲ್ಲಿ ೧೨,೯೨,೧೭೬ ಹೆಚ್ಚು ಜನ ಯೋಜನೆಗೆ ನೋಂದಣಿ ಮಾಡಿಕೊಂಡಿದ್ದಾರೆ. ವಿಧಾನಸಭೆ ಚುನಾವಣೆಗೂ ಮೊದಲು ಕಾಂಗ್ರೆಸ್ ೫ ಗ್ಯಾರಂಟಿಗಳನ್ನು ಘೋಷಿಸಿತ್ತು. ಈ ಪೈಕಿ ಮೊದಲ ಗ್ಯಾರಂಟಿಗೃಹಜ್ಯೋತಿ' ಯೋಜನೆ. ಇದರ ಅಡಿ ಪ್ರತಿ ಮನೆಗೆ ೨೦೦ ಯೂನಿಟ್ ಉಚಿತ ವಿದ್ಯುತ್ ಘೋಷಿಸಲಾಗಿತ್ತು. ಯೋಜನೆಯ ಲಾಭ ಪಡೆಯಲು ಉತ್ಸುಕರಾಗಿರುವ ವಿದ್ಯುತ್ ಗ್ರಾಹಕರು ಹೆಸರು ನೋಂದಾಯಿಸಿಕೊಳ್ಳುತ್ತಿದ್ದಾರೆ.
ಜೂ. ೧೮ರಿಂದ ಗೃಹಜ್ಯೋತಿ ನೋಂದಣಿ ಆರಂಭಗೊAಡಿದ್ದು, ಮೊದಲ ದಿನವೇ ೧೩,೬೦೫ ಜನ ನೋಂದಣಿ ಮಾಡಿಕೊಂಡಿದ್ದರು. ದಿನದಿಂದ ದಿನಕ್ಕೆ ನೋಂದಣಿ ಸಂಖ್ಯೆ ದುಪ್ಪಟ್ಟಾಗುತ್ತ ಸಾಗಿದ್ದು, ೨೪ರಂದು ೨,೪೭,೨೭೭ ಜನ ನೋಂದಾಯಿಸಿದ್ದಾರೆ. ಇದುವರೆಗೆ ಹೆಸ್ಕಾಂಗೆ ೧೨.೯೨ ಲಕ್ಷ ಗ್ರಾಹಕರು ನೋಂದಣಿ ಮಾಡಿಕೊಂಡಿದ್ದಾರೆ.
ಯೋಜನೆಗೆ ನೋಂದಣಿ ಮಾಡಿಕೊಳ್ಳುವುದನ್ನು ಸರಳೀಕರಿಲಾಗಿದೆ. ಖಾಸಗಿ ನೆಟ್ ಸೆಂಟರ್ಗಳು, ಗ್ರಾಮ ಒನ್, ಹು-ಧಾ ಒನ್ ಕೇಂದ್ರಗಳಿಗೆ ಪ್ರತ್ಯೇಕ ಲಿಂಕ್ ನೀಡಲಾಗಿದೆ. ಆರಂಭದಲ್ಲಿ ಸರ್ವರ್ ಸಮಸ್ಯೆ ಎದುರಾಗಿತ್ತಾದರೂ ಸದ್ಯ ೨- ೩ ನಿಮಿಷಗಳಲ್ಲಿ ಅರ್ಜಿ ಸಲ್ಲಿಸಬಹುದಾಗಿದೆ. ಖಾಸಗಿ ನೆಟ್ ಸೆಂಟರ್ಗಳ ಮೇಲೆ ಯಾರ ಹಿಡಿತವೂ ಇಲ್ಲದಿರುವುದರಿಂದ ಕೆಲವರು ೪೦- ೫೦ ರೂ. ಶುಲ್ಕ ನಿಗದಿಪಡಿಸಿದ್ದಾರೆ.
