ಫೆ. 20ರಂದು ಮಂಗಳವಾರ ಸಂಜೆ 6 ಗಂಟೆಗೆ ಜಿ.ಬಿ. ಶಂಕರರಾವ್ ವೃತ್ತದಿಂದ ದುರ್ಗಾದೇವಿ ಜಾತ್ರೆಯ ಮೆರವಣಿಗೆ ಆರಂಭವಾಗಲಿದೆ. ದೇವಿಯ ಉತ್ಸವ ಮೂರ್ತಿಯೊಂದಿಗೆ, ವಿದ್ಯುತ್ ಅಲಂಕೃತ ಹೂವಿನ ರಥ, ಸೈನಿಕರು-ಕಹಳೆ-ಚಾಮರಸ ಸೇವೆ-ಮರಗಾಲು ಕಲಾತಂಡ, ಡೊಳ್ಳು ಕುಣಿತ, ದುರ್ಗಾದೇವಿ ಅಲಂಕೃತ ಪಲ್ಲಕ್ಕಿ, ಲೆಗಿನ್ ನೃತ್ಯಕಲಾ ತಂಡ, ಹಲಗೆ ವಾದ್ಯ, ನವ ದುರ್ಗಿಯರ ವಿಶೇಷ ಮುತ್ತಿನ ರಥಗಳು ಹಾಗೂ ಜಾನಪದ ವಾದ್ಯಗಳ ಉತ್ಸವ ಜರುಗಲಿವೆ. ಶ್ರೀ ಅಂಬಾಭವಾನಿ ಹಾಗೂ ಶಿವಾಜಿ ಮಾಹಾರಾಜರ ರೂಪಕ, ಸರ್ವಜ್ಞ ರೂಪಕ, ಕನಕದಾಸರ ರೂಪಕ ಹಾಗೂ ಬೆಳಗಾವಿಯ ಡಿಜೆ ಸೇರಿದಂತೆ ವಿವಿಧ ಸಾಂಸ್ಕೃತಿಕ ಕಲಾ ತಂಡಗಳು ಮೆರವಣಿಗೆಗೆ ಸಾಥ್ ನೀಡಲಿವೆ. ಬುಧವಾರ ಬೆಳಗಿನ ಜಾವದವರೆಗೆ ಪಟ್ಟಣದ ಪ್ರಮುಖ ಬೀದಿಗಳಲ್ಲಿ ಮೆರವಣಿಗೆ ನಡೆಯಲಿದ್ದು, ನಂತರ ಪಟ್ಟಣದ ಪೊಲೀಸ್ ಮೈದಾನದಲ್ಲಿ ತಮಾಷಾ ಮದ್ದು ಸುಡುವ ಕಾರ್ಯಕ್ರಮ ಏರ್ಪಡಿಸಲಾಗಿದೆ.
