ದೇಗುಲಗಳ ಜೀರ್ಣೋದ್ಧಾರಕ್ಕೆ ಅನುದಾನ

ಹಗರಿಬೊಮ್ಮನಹಳ್ಳಿ: ತಾಲೂಕಿನ ಹೊಸ ಆನಂದ ದೇವನಹಳ್ಳಿಯಲ್ಲಿ 42 ಲಕ್ಷ ರೂ. ವೆಚ್ಚದಲ್ಲಿ ನಿರ್ಮಿಸಿದ ಶ್ರೀ ಆಂಜನೇಯಸ್ವಾಮಿ ದೇವಸ್ಥಾನ ಉದ್ಘಾಟನೆ ಮತ್ತು ಮೂರ್ತಿ ಪ್ರಾಣ ಪ್ರತಿಷ್ಠಾಪನೆ ಶನಿವಾರ ಜರುಗಿತು.

ಶಾಸಕ ಕೆ.ನೇಮಿರಾಜ್ ನಾಯ್ಕ ಮಾತನಾಡಿ, ಕ್ಷೇತ್ರದಲ್ಲಿ ಅವಶ್ಯವಿರುವ ದೇಗುಲಗಳ ಜೀರ್ಣೋದ್ಧಾರಕ್ಕೆ ಶಾಸಕರ ಪ್ರದೇಶ ಅಭಿವೃದ್ಧಿ ಅನುದಾನದಡಿ ಈವರೆಗೆ ಮೂರು ಕೋಟಿ ರೂ. ಅನುದಾನ ನೀಡಲಾಗಿದೆ. ಕ್ಷೇತ್ರದ ನೂರಕ್ಕೂ ಹೆಚ್ಚು ಗ್ರಾಮಗಳಲ್ಲಿ ರಸ್ತೆ, ಚರಂಡಿಗಳ ಅಭಿವೃದ್ಧಿಗೆ ತಲಾ 50 ಲಕ್ಷ ರೂ. ಅನುದಾನ ನೀಡಲಾಗಿದೆ ಎಂದರು.

ಮರಿಯಮ್ಮನಹಳ್ಳಿಯ ಮಲ್ಲಿಕಾರ್ಜುನ ಸ್ವಾಮೀಜಿ, ಕೊಟ್ಟೂರಿನ ಯೋಗಿರಾಜೇಂದ್ರ ಸ್ವಾಮೀಜಿ, ಉತ್ತಂಗಿಯ ಸೋಮಶಂಕರ ಸ್ವಾಮೀಜಿ, ಹಡಗಲಿಯ ಡಾ.ಹಿರಿಶಾಂತವೀರ ಸ್ವಾಮೀಜಿ, ಗದ್ದಿಕೆರೆ ಮಠದ ಚರಂತೇಶ್ವರ ಸ್ವಾಮೀಜಿ, ಹಾಲಸ್ವಾಮಿ ಮಠದ ಹಾಲಸಿದ್ಧೇಶ್ವರ ಸ್ವಾಮೀಜಿ, ಕಡಲಬಾಳು ಗ್ರಾಪಂ ಅಧ್ಯಕ್ಷ ಲತಾ ರಾಜಕುಮಾರ, ಸದಸ್ಯ ಬಿ.ಹುಲುಗಪ್ಪ, ಐಆರ್‌ಎಸ್ ಕಮಿಷನರ್ ಸಿಜಿಎಸ್‌ಟಿ ಆಯುಕ್ತರಾದ ಡಾ.ಎಂ.ಕೊಟ್ರಸ್ವಾಮಿ, ವೈದ್ಯರಾದ ಬಂಡ್ರಿ ವಿಶ್ವನಾಥ, ಮುಖಂಡರಾದ ಇಳಕಲ್ ಮಲ್ಲಣ್ಣ, ಹಾಲ್ದಾಳ್ ವಿಜಯಕುಮಾರ, ಹೊನ್ನೂರಪ್ಪ, ನಟರಾಜ ಬದಾಮಿ, ವೀರಭದ್ರಯ್ಯ, ಮಲ್ಲಯ್ಯ, ಬಿ.ಉಮೇಶ, ಜಿ.ಚನ್ನಪ್ಪ, ಬಿ.ವೀರೇಶ, ಕರಿಬಸವನಗೌಡ್ರು, ಬ್ಯಾಟಿ ನಾಗರಾಜ ಇತರರಿದ್ದರು.