ಸುದ್ದುಗುಂಟೆಪಾಳ್ಯದ ಗುರಪ್ಪನಪಾಳ್ಯದ ನಿವಾಸಿ ಇಮ್ರಾನ್ ಪಾಷಾ ಮತ್ತು ಅಜೀರಾ ದಂಪತಿಯ ಪುತ್ರ ಅರ್ಮಾನ್ (2) ಗಂಭೀರ ಗಾಯಗೊಂಡ ನತದೃಷ್ಟ. ಬಾಲಕನ ಅಜ್ಜಿ ಮುಬೀನಾ ಹಲ್ಲೆ ಮಾಡಿದವಳು. 'ಅಯ್ಯೋ ನನ್ನ ಮಗು, ಮೊಮ್ಮಗ ಯಾಕೋ ಸರಿಯಾಗಿ ಊಟಾನೇ ಮಾಡ್ತಿಲ್ಲ, ಏನು ಕೊಟ್ರೂ ಜಾಸ್ತಿ ತಿನ್ನಲ್ಲ ಎಂದು ಕೊರಗುವ ತಾಯಂದಿರು-ಅಜ್ಜಿಯಂದಿರು ಲೆಕ್ಕವಿಲ್ಲದಷ್ಟು ಮಂದಿಯನ್ನು ನಾವು ನೋಡಿದ್ದೇವೆ. ಜಾಸ್ತಿ ಊಟ ಮಾಡಲೆಂದು ದೇವರಿಗೆ ಹರಕೆ ಕಟ್ಟುವುದು, ವೈದ್ಯರ ಬಳಿ ಹಸಿವಾಗಲು ಟಾನಿಕ್ ಬರೆದುಕೊಡಿ ಎಂದು ದುಂಬಾಲು ಬೀಳುವುದನ್ನು ನಿತ್ಯ ನೋಡುತ್ತಲೇ ಇರ್ತೀವಿ. ಆದರಿಲ್ಲಿ ಊಟ ಕೇಳಿದ ಮೊಮ್ಮಗನಿಗೆ ದುಷ್ಟ ಅಜ್ಜಿಯೊಬ್ಬಳು ಶಿಕ್ಷೆ ಕೊಟ್ಟಿದ್ದಾಳೆ. ಮಗುವಿಗೆ ಕಣ್ಣು, ಹಣೆ, ಮೂಗು ಸೇರಿದಂತೆ ದೇಹದ ಇತರೆಡೆ ಬೆಂಕಿಯಿಂದ ಸುಟ್ಟಿದ್ದಾಳೆ ಎಂದು ಸ್ವತಃ ಆ ಮಗುವಿನ ತಂದೆಯೇ ಪೊಲೀಸ್ ಠಾಣೆಗೆ ದೂರು ನೀಡಿದ್ದಾರೆ.
