ಪರಿಸರ ಜಾಗೃತಿ: ಕನ್ನಮಂಗಲ ಗ್ರಾಮ ಪಂಚಾಯಿತಿ ಅಭಿವೃದ್ಧಿ ಅಧಿಕಾರಿ ಶ್ರೀನಿವಾಸ್ ಪರಿಸರದ ಕಾಳಜಿ, ನೀರಿನ ಮೌಲ್ಯ, ಸ್ವಚ್ಛತೆ ಕಾಪಾಡುವ ಕುರಿತು ಸಾರ್ವಜನಿಕರಿಗೆ ಅರಿವು ಮೂಡಿಸಿದರು. 10 ಕೋಟಿ ವೆಚ್ಚದ ವಿವಿಧ ಅಭಿವೃದ್ಧಿ ಕಾಮಗಾರಿಗಳನ್ನು ಮಾಡುವ ಬಗ್ಗೆ ಸಭೆಯ ಅನುಮೋದನೆ ಪಡೆದುಕೊಂಡರು, ನಿವೇಶನ ರಹಿತರಿಂದ ವಸತಿ ಸೌಲಭ್ಯಕ್ಕಾಗಿ ಬಂದಿರುವ ಗ್ರಾಮವಾರು ಅರ್ಜಿಗಳ ಫಲಾನುಭವಿಗಳ ಪಟ್ಟಿ ಓದಿ ಸಭೆಯ ಅನುಮೋದನೆ ಪಡೆದುಕೊಂಡರು. 2023-24ಹಾಗೂ 24-25 ನೇ ಸಾಲಿನ ಎಲ್ಲ ಯೋಜನೆಗಳ ಆದಾಯ ಮತ್ತು ವೆಚ್ಚವನ್ನು ಗ್ರಾಮಸಭೆಯಲ್ಲಿ ಮಂಡಿಸಿ ಸಭೆಯ ಸರ್ವಾನುಮತದ ಅಂಗೀಕಾರ ಪಡೆದುಕೊಂಡರು. ಪಂಚಾಯತಿ ವ್ಯಾಪ್ತಿಯ ಚೌಡನಹಳ್ಳಿಯಲ್ಲಿ 4. 20 ಎಕರೆ, ಕನ್ನಮಂಗಲ ಪಾಳ್ಯದಲ್ಲಿ 2 .27 ಗುಂಟೆ, ಕೆಂಪತಿಮ್ಮನಹಳ್ಳಿಯಲ್ಲಿ 3 ಎಕರೆ ಜಾಗ ಗುರುತಿಸಲಾಗಿದೆ ಎಂದು ಸಭೆಗೆ ತಿಳಿಸಿದರು.
