ಮಾರುಕಟ್ಟೆಯಲ್ಲಿ ಶುಂಠಿಯ ಬೆಲೆಕುಸಿತವಾಗಿದೆ. ಪ್ರತಿ ಕೆಜಿ ಶುಂಠಿಯ ಬೆಲೆ 10 ರೂಪಾಯಿಗೆ ಇಳಿದಿತ್ತು. ಈ ಹಿನ್ನೆಲೆಯಲ್ಲಿ ರಾಜ್ಯ ಅರಿಶಿಣ ಬೆಳಗಾರರ ಒಕ್ಕೂಟವು ರಾಜ್ಯ ಮತ್ತು ಕೇಂದ್ರ ಸರ್ಕಾರಗಳ ಜೊತೆ ವ್ಯವಹರಿಸಿ ಶುಂಠಿ ಬೆಳೆಗೆ ರಾಜ್ಯದ ಇತಿಹಾಸದಲ್ಲೇ ಮೊದಲ ಬಾರಿಗೆ ‘ ಮಾರುಕಟ್ಟೆ ಮಧ್ಯಪ್ರವೇಶ ಯೋಜನೆ’ ಯನ್ನು ಜಾರಿ ಮಾಡಿಸಿದೆ. ಇದರಿಂದ ಸರ್ಕಾರವೇ ಕ್ವಿಂಟಾಲ್ ಹಸಿ ಶುಂಠಿಗೆ ಬೆಂಬಲ ಬೆಲೆಯನ್ನು (2,445 ರೂ) ನಿಗದಿಪಡಿಸಿ ರೈತರಿಂದ ನೇರ ಖರೀದಿ ಆರಂಭಿಸಿದೆ. ಬೆಳೆಗಾರರು ಈ ಯೋಜನೆಯ ಸದುಪಯೋಗ ಪಡಿಸಿಕೊಳ್ಳಬೇಕು ಎಂದು ಎಪಿಎಂಸಿ ಕಾರ್ಯದರ್ಶಿ ಶ್ರೀಧರ್ ತಿಳಿಸಿದ್ದಾರೆ. ಕಾರ್ಯದರ್ಶಿ ಶ್ರೀಧರ್, ರವೀಂದ್ರ, ನಾಗಾರ್ಜುನ ಕುಮಾರ್, ಚಂದ್ರು ತೆರಕಣಾಂಬಿ, ಶ್ರೇಯಸ್, ಮಧು, ಶಶಿಕುಮಾರ್, ಮಂಜುನಾಥ್ ದಡದಹಳ್ಳಿ ಇತರರು ಇದ್ದರು.
